نشطاء «تويتر» يسخرون من الطقس السيئ

[Mary Naeem]

نشطاء «تويتر» يسخرون من الطقس السيئ




دشن نشطاء موقع التواصل الاجتماعي «تويتر» عددا من الهاشتاجات للسخرية من موجة الطقس السيئ التي تضرب البلاد، منها «صوت الهوا» و«الجيوب الأنفية» و«حالة الجو»، وجذبت الهاشتاجات مئات المصريين الساخرين من الأتربة التي تملأ الجو، وتؤثر على الجيوب الأنفية، وأصوات الهواء التي أكدوا أنها تشبه أصوات أفلام الرعب.

الجيوب الأنفية
قالت نور شاهين: «إني اتنفس تحت التراب.. إني أغرق أغرق أغرق الأحوال الجوية مش عال.. الجيوب الأنفية خربانة».
وأضافت ريهام عطية «طول الليل البلكونة وأبواب الشقة عمالة تتفتح وتتقفل وتزيق أكننا في فيلم الإنس والجن.. صوت الهوا».
وعلقت هناء أنور «الجيوب الأنفية مع العاصفة الترابية رحمتك يارب.. الجيوب الأنفية»، وتابع علاء لؤلؤة «ياصلاة العيد الحمد لله إني مروحتش الدرس صحتي وسلامتي بالدنيا»، وردت رندا «صوت الهوا والتراب عماني.. ورب العرش نجاني».

«بره البيت»
وقال هشام عرفات: «يا رب رحمتك الهوا هيقلب العربية.. اوعى تطلع بره البيت».
وأضاف مصطفى عمر «إن شاء الله تمطر خير عشان مش قادرين نتنفس من سوء الأحوال الجوية والتراب إلى في الجو يا رب الطف بمصر».
وعلق محمد أشرف «بمناسبة الأحوال الجوية دي هو فين اللي قال معتدل صيفا دافي ممطر شتاء... أقسم بالله أجيبك»، وتابع عبد الله حرب «صوت الهوا كفيل إني يخلى الواحد ينام اليوم كلو»، وردت هاجر جوجو «صوت الهوا ده باينوا يوم زعابيب.. إحنا بنطير يا فَخرى».

وقال أحمد جمال «صوت الهوا حاسس إنى واقف في الصحراء الغربية مش في بلكونتنا».
وأضاف عمرو مكاوي «الشتا هيعمل معانا الصح السنادي.. صوت الهوا»، وعلق أسماء الشامي «صوت الهوا بتفكرني بفيلم عنترة بن شداد لما كان في الصحرا والأرض بلعته».
وتابع مصطفى جيفاري «صوت الهوا أيه بس دى رياح شمالية غربية هوائية هتموتنا كلنا»، ورد هيستوري سيكر«صوت الهوا عبد الحليم: الهوا هوايا ماسك الهوا بيديا لما جاله التهاب الجيوب الأنفية.. بيعيط «إلى شبكنا يخلصنا- وآه من الهوا».

التراب
وقالت ريهام محسن «سامعينه... شامينه....دايقينه.... حاسينه بكل مشاعرنا».
وأضاف أحمد محمد «صوت الهوا مع التراب وهو بيخش في عينك شعور روعة يابنى روعة»، وتابع رامي «منك لله يا حكومة الشعب ولا بقى شايف من العاصفة ولا بقى سامع من.. صوت الهوا وكمان مناخيرنا تعبتنا من ريحة التراب».

وعلق موني الكريم «ماتفكرش تفتح بوقك في الشارع.. صوت الهوا»، ورد سيد جمال «هما فين الناس اللي بتموت في تراب مصر.. صوت الهوا».
وقال عامر سعيد «قبل ماتنزل من بيتك في الجو دا لازم تفكر ألف مرة في التراب والجيوب الأنفية صوت الهوا كفيل بأنه يخلي الموضوع مش مستاهل».


هذا الخبر منقول من : موقع فيتو