حوار في حضن أبو الوقار في البابا كيرلس أسرار

[نرمين واصف]

صليت تكون ابويا ولي أمري ووكيلي
في السما عند يسوع في التوهة ليا دليلي

صرخت وقلت يابابا كيرلس تعالي صلي لي
اخترتني ياابويا بطيبتك تتنازل وتجيني

يابابا كيرلس حبيتك ومشتاقة اجي مزارك
وكل ماجي اصلي ألقي صورتك قصادي

ابكي بحرقة واقولك يابويا نفسي أزورك اصلك يابويا واحشني
حاشني عنك غربة وكأس غيبة غصب أن عني والبعد عنك حايشني

واتخيل إني تحت جسدك ببكي وبيك و بتشفع
بأبويا اللي طيبته يكون صديق ليا ويرفع
عني كل ضيقة وقدام يسوع يشفع
ماليش حد تاني ياأبي غيرك عزائي
في غربة زودت فيا مري وعنائي

ارشمني بصليبك يابابا في حلم او في حقيقة
خليني احس بصليبك للحظات أو دقيقة

طمعانة في طيبة ابويا كيرلس اللي شداني
تزيل عني امراضي الروحية اللي منها بعاني

ولقيتني روحي وخداني وكأن ابويا كيرلس قدامي
ينزل وانا ساجدة وصليبه علي راسي
وقاللي يابنتي بصلي من اجلك وخدي شوية من سلامي
وبطلب ليكي قدام اللي كان سبب خلاصك وخلاصي

قلتله يابويا اوصفلي منظر السما
قاللي ملهاش مثيل في الدنيا دي كلها
راحة وسلام وفرح من ساعة ما رحلت ليها
ملقيتشي غير احضان من يسوع في أراضيها

قلتله يابابا كيرلس ما تاخدني معاك
قاللي يابنتي ليكي رسالة ونهايتها هتكوني هناك

قلتله يابويا تعبانة وعايزة صلاتك تشجعني
صلاتك تفرق معايا وبحس راحة بترفعني

قاللي بصلي لك يابنتي ولكل اللي عارف حكايتي
انا شغلي الشاغل خراف أجمعها قبل ما تتبعتر
كنت راعي ع الارض شوية ولسة بكمل رسالتي
في السما كترت اولادي وشايفكم كلكم أكتر


في الارض عشت علشان يسوع يفرح برجوع ولاده
وفي السما فرحان والسما بتهلل لو خروف رجع عن عناده

قلتله يابابا كيرلس بتتنازل وتحكي معايا
انا مشغولة بيك ومشغولة بزيارتك جوايا

قاللي عن قريب هنشوف بعض في السما
ولو مزورتنيش هزورك في قلبك هنا
بس متخافيش قلبك وفرحه يهمنى
كوني فرحانة بيسوع علشان يضمك زي ما ضمني

قلتله بصلواتك ياابويا اقدر انول الغفران
بشفاعتك يابابا كيرلس أشعر بضم وأمان
نفسي الصغيرة يأبويا بتنادي من الحرمان
عايزة أزورك حتي لو في حلم في المنام

واتخيلت وانا مغمضة عيني إني بزور مزار البابا كيرلس شفيعي
ولقيته قاعد علي باب المزار مستنيني
وجريت عليه من الفرح يابابا باركني
وانا بجري لقيته رشمني بصليبه
أشكرك يابابا كيرلس اشبعت حنيني
وانا بجري ملحقتوش اختفي وسابلي ورقة
لقيتني من فرحتي ببكي بدموع وحرقة
واصرخ واقوله يابويا استني أقبل ايديك وامشي

وجاني صوت بيقوللي اقرأي الورقة يابنتي
قريت فيها من كلمات آب عايش فى نور السموات
قاللي ياحبيبة ابوكي متفكريش إني بعيد عنك
حتي لو مقدرتيش تزوريني انا جواكي في قلبك
منين ما هتناديني علي طول هكون عندك
واخدك بروحك في سحابة في مزاري واحققلك املك
انا كمان حاسس ليكي ولزيارتك حنين
الدنيا عبارة عن أيام بتعدي وسنين
بس انا معنديش ساعات ولا سنة أو سنوات
انا في السما هنا بسمع اللي بيناديني بصوت صدي السموات
ويسوع يسمحلي اجي افرح اللي بيناديني من ولاده
وعطاني إني أكون راعي لكل ولادي
ده يسوع جه الأرض وعلشانا ضحي بحياته
طلباتكم علي طول بقدمها ليسوع هنا قصادي
بقدم ليسوع طلباتكم وخلاص وصلت للعالي

متخافيش يابنتي انا عايش في سمواته
أملي كان علي الأرض ولسة في السما أمالي
اني أضم خروف ويلقي في يسوع طوق نجاته
ليسوع اللي ضحي وسمانا أحباء وهو أبونا السماوي

قلتله يابابا كيرلس شكرا ليك وعلي تعزياتك
ورحلة حلوة خدتني فيها ووهبتني سلامك
قول لابونا السماوي اكتب اسمها في سمواتك
اشبعت حنيني يابابا كيرلس بطيبتك وحنانك
شكرا يابابا كيرلس





رجاء محبة يااخواتي
اللي يروح مزاره أو الطاحونة ينورلي شموع
واللي يروح كنيسة بإسمه يذكرني قدامه بصوت مسموع
اشتقت اوي لزيارته في مزاره وبكيت ومن قبل عيده بدموع

اذكروني ياخواتي في مزاره أو طاحونته أو كنيسته لحد ما انوي الرجوع


ربنا يبارككم