الرومانسية الروحية....

walaa farouk · رقم المشاركة : ( 1 ) 30 - 08 - 2016, 07:09 AM

الرومانسية الروحية....
حد سمع عنها ....طيب احنا نعرف الرومانسية.....لكن رومانسية روحية .....دي جديدة
الرومانسية الروحية هي اسمي انواع الحب فيها بيبقي فيض ضخم من المشاعر صادر بين الطرفين الطرف الاول طبعا هو انا والطرف التاني هو ................حبيبي
طيب ماشي ما احنا عارفين كده ما هي دي الرومانسية امال ايه روحية دي؟؟؟؟
الرومانسية الروحية هي لما يكون حبيبي هو....................يسوع
... طيب هو يسوع حبيبيك رومانسي ؟؟؟؟؟
طيب انا هاقولكم بعمل معايا ايه وانتوا احكموا..........
لما ما ينادمنيش غير بيا حبيبتي يا حمامتي يا كاملتي.....يبقي رومانسي ولا؟؟؟
لما يسيبني ويمشي يقولي لحيظة (ثانية)تركتك وبمراحم كثيرة اجمعك يبقي رومانسي ولا؟؟؟
لما ابقي خايفة في يوم من حاجة يقعد يقولي365بعدد ايام السنة لا تخف يبقي رومانسي ولا؟؟؟؟
وده بقي كله كلام زمان يعني في بداية التعارف اما دلوقتي بعد ما جه هنا عندي قاللي متخافيش انا معاكي ومش هسيبك لحد ياخدك مني وبالنسبة للناس اللي عايزين يموتوكي هاخليهم ياخدوني بدالك انا هاموت بدالك وهسيبك انتي تعيشي وما يطلعش الكلام ده كلام ليل لا حصل فعلا يبقي رومانسي ولا؟؟؟؟؟؟؟
لما بعد ما ازعله واتخانق معاه واضايقه بعمايلي وكلامي يقولي ولا يهمك عندي استيكة لونها احمر امسح بيها كل ده وخطاياكي لا اعود اذكرها اطرحها في بحر النسيان يبقي رومانسي ولا؟؟؟؟
لما بعد مايرجع من مهمته ويبقي في قمة مجده وانا لسة مكاني يقولي متخافيش هاخدك معايا تعيشي في قصري يبقي رومانسي ولا؟؟؟؟؟؟
لما اقوله اديني سبب واحد يخليك تحبني ليه ....ليه بتحبني يقولي يبص لي بصته المعرفةهو كده لانك بتاعتي انا اللي عملتكك واخترتك وخليتك عروستي يبقي لي حق احبك ولا؟؟؟؟؟؟
ها يا جماعة ايه رايكم في حبيبي رومانسي ولا؟؟؟؟؟؟؟؟؟؟