|
 |
 |
 |
|
رقم المشاركة : ( 1 )
26 - 05 - 2016, 07:09 PM
|
|||||||||||
|
|||||||||||
|
القس جوناثان رفعت سامحونى فى اللى ها قوله  سامحونى فى اللى هاقوله الجميع زاغوا وفسدوا واعوزهم مجد الله_____________ فاكرين الكشح. فاكرين نجع حمادى. طب فاكرين كنيسه القديسين. فاكرين شهداء ماسبيرو.. فاكرين شهدا ليبيا محدش يقدر طبعا ينساهم لانهم اتدونوا كتاريخ جوه كنيستنا لكن خلونا نتكلم فى اللى يخصنا اكتر شويه.. هو ايه اللى اتغيير فينا من ساعه كل الاحداث دى كل حادثه تحصل نعمل حاجه واحده(نحزن شويه.. نكتب الايات على الفيس. نحط صور صلبان.. ننزل ترنيمه ليه لابسه يا امى اسود. وشويه دم على شويه رفض. وغيره وغيره) وفى الاخر نفضل زى ماحنا بوحشتنا ونجاستنا انهارده الاقى ناس تغلط فى الكنيسه فى البابا و انت اصلا مش عارفه ولا عمرك حتى عرفت احلامه وافكاره وبيفكر فى الخير للكنيسه اذاى عاوزين بس كل الكون يمشى زى ماحنا عاوزين.. نتعصب ونغضب تبقى الكنيسه تغضب ولو مغضبتش تبقى مش كنيسه.. واشتم فى قادتها. ودوس على كرامتها ولايهمك. المهم تبان انك بتدافع عن الكنيسه وانت فى الاصل بتجرح فيها فاكرين ان قداسه البابا المفروض يقول كل حاجه بيعملها او بيقولها او بياخد قرار فيها انتوا عارفين بتعملوا ايه من امبارح؟ انتوا رافضين صوت ربنا فى الموضوع خاااااالص. وبمعنى اصح فى ناس ماصدقت تلاقى على الكنيسه حاجه علشان تفضل تهين وتهين وتهين نبص لروحنا قبل مانقول ايه اللى اتغير من الكشح لدلوقتى نبص على روحنا هو ايه اللى اتغير فينا من الكشح دلوقتى. ده بيبقى صاحبك وحبيبك معاك انهارده ويموت بكره وبردو محدش بياخد اى عظه لحياتوا. ولسه فى الخطيه . ومش بس خطيه بتجاهد فيها. لكن كمان الكنيسه مابتسلمش من السنتكوا اللى كلها خناجر زعلانين على اللى عروا الست المسنه وكلها زعلانين وجوانا قهر وغضب وحاسين بالظلم بس للاسف تعالوا شوفوها هى متعزيه وواخده اكليل وانتوا جواكوا ادانه للبابا و للاسقف و للكاهن للكنيسه وبس وكل واحد شايف نفسه صح يا نبقى مسيحين ونطبق كلام الانجيل يانبقى مسيحين بالاسم وادينا عايشين كفايا كفايا كفايا اهانه فى الكنيسه كفايا اهانه فى البابا صدقونى كلوا بياخد اكليل واحنا كده بناخد دينونه احنا مابنتغيرش. مافيش اى حدث بيحصل فى الكنيسه بيغيرنا لا موت بيغيرنا ولا اضطهاد بيغيرنا,ولاكنيسه بتتحرق بنتغير.. ولا شهدا يدبحوا قصاد عنينا بنتغير احنا قلبنا قسى اوى. بقى لسانا صعب اوى. بقينا نجرح ونعرى فى بعض اوى اوى وكل ده باسم حبك لدينك ولكنيستك لكن فى الحقيقه لا مسيحتنا بتقولك اشتم واجرح فى كنيستك ولا كنيستك بتقولك حامى عنى بالطريقه دى بكلمك وكل قلبى مليان دموع لكن انا مش هاتكلم تانى فى المواضيع دى. لكن كفايا اهانه فى قداسه البابا. كفايا اهانه فى الكنيسه. كفايا تجريح فى اخوك.. كفايا تشوف نفسك انك صح وانك هاتتصرف احسن من البابا اللى ربنا اختاره كفايا حب غشيم مافيهوش اى حكمه نطالب بحقوقنا ده حقنا. لكن مش من حقنا نفضل نهين فى البابا كده والكنيسه بالشكل ده احنا ماتغيرناش ولاهانتغير. ولو بتعتب الحكومه انا ماتغيرتش فى كل احداث الظلم على الكنيسه عاتب نفسك انت كمان انك لسه زى مانت ماتغيرتش من ساعه كشح لحد انهارده احنا محتاجين نفوق علشان نعرف نعلى للسما فوق (ومنتظر من اللى جوه قلبهم نعمه الصلاه لاجلى. ومنتظر من اللى الشيطان عاميهم الاهانه والتجريح) ولو الكنيسه حزينه قراط على اضطاهد ولادها فهى بردو حزينه 24 قراط على تجريح ولادها فيها. الغريب جرحها والقريب بردو جرحها شكرا 
|
|
26 - 05 - 2016, 07:45 PM
|
رقم المشاركة : ( 2 ) | ||||
|
..::| العضوية الذهبية |::..
|
رد: القس جوناثان رفعت سامحونى فى اللى ها قوله
كلام حقيقى اهو كله بيفتى
فى اللى يعرفه واللى ميعرفوش ربنا يرحمنا ميرسى مارى للمقاله الجميله |
||||
|
|
|
27 - 05 - 2016, 12:43 PM
|
رقم المشاركة : ( 3 ) | ||||
|
† Admin Woman †
|
رد: القس جوناثان رفعت سامحونى فى اللى ها قوله
شكرا على المرور
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| احد الشعانين ..القس جوناثان رفعت |
| احد المولود اعمى ..القس جوناثان رفعت |
| القس جوناثان رفعت احد المخلع |
| القس جوناثان رفعت،، احد السامرية ، من برنامج الخلاصه |
| القس جوناثان رفعت..عظة اخدم بوجعك |
العرض العادي
