10 - 08 - 2019, 12:19 PM
|
|
|
|
..::| الإدارة العامة |::..
|
|
|
|
|
|
"وطوبى لمن لا يعثر فيَّ"
الجملة دي قالها الرب يسوع لما يوحنا المعمدان بعت له تلاميذه
وقت ما كان في السجن.. علشان يقولوا للمسيح: انت هو الاتي ام ننتظر آخر..؟
طبعًا الكلام ده لما يطلع من يوحنا المعمدان اللي أول واحد شهد عن المسيح،
اللي بيعرف حقيقته.. واللي عارف مكانته..
. أكيد ماقلهوش إلا بعد وقت طويل من الألم والوجع والحبسة في السجن...
لكن الرهيب جدًا هو رد المسيح "اذهبا
وأخبرا يوحنا بما تسمعان وتنظران: العمي يبصرون، والعرج يمشون،
والبرص يطهرون.. وفي الاخر قال: طوبى لمن لا يعثر فيَّ..
وكأنه بيقول ليوحنا إنت إتعثرت فيَّ نتيجة إني خالفت توقعاتك..
وعلشان ماتصرفتش زي ماتوقعت عني..
أحيانًا كتيرة بيحصل معانا كده.. حياتنا بتقف
وبنتعثر في الرب لأننا مش بنشوفه معانا زي ماتوقعنا منه...
ونوجه ليه كلمات صاخبة زي.. انت فين.. ساكت ليه..
في الحقيقة المفروض يكون عندنا يقين في مشيئة الله لينا
، ومننتظرش توقعات هو مش ناوي يعملها..
الرب عارف بيعمل إيه كويس.. كل حساباته في منتهى الدقة..
علشان كده خلي بالك من توقعاتك فيه علشان ماتتكعبلش وتقف حياتك فترة..
|
