|
 |
 |
 |
|
رقم المشاركة : ( 1 )
10 - 08 - 2016, 06:40 AM
|
|||||||||||
|
|||||||||||
 من حوالي عشر سنين او اكتر ، قدمت ورقي للتجنيد بعد ماخلصت جامعه ورحت أسمع الإرجاء وكلمة إرجاء للي ميعرفهاش يعني رحت اعرف إذا كنت هدخل ولا لا وكان وقتها بيختاروا أيام معينة في السنة كلها هي اللي تدخل والباقي ياخد تأجيل والأيام دي لحد دلوقتي معرفش علي اي اساس بتحدد علي عكس دلوقتي بياخدوا الكل ومفيش حاجه اسمها إرجاء المهم علشان مطولش عليكم كنت رايح انا واربعه من اصحابي مع بعض في عربية واحد صاحبنا المهم بدأ اللواء يرحب بالعدد الضخم الموجود في أرض التجنيد وبدأ ينادي علي التخصصات اللي محتاجينها زي طب وهندسة وحاسب الي وخلافه ... وبعد كده بدأ ينادي علي المواليد العشوائية اللي هتدخل الجيش وبين أيام السنة كلها اللي انا اتولدت فيها إختار يوم واحد بس هو اللي هيدخل الجيش يعني من الـ 365 يوم منهم يوم واحد بس اللي هيدخل وباقي الأيام تأجيل وكان علي حظي ان اليوم ده هو تاريخ ميلادي لدرجة ان اللواء قالي كلمة مش قادر انساها لحد إنهارده لما لقاني طالع لوحدي قال " ياعين امك يابني " علشان يخرجني من المود  تخيلوا الصدمة انك ترجع مع اصدقائك اللي جيت معاهم وانت الوحيد اللي وقع عليك الإختيار كنت بلوم ربنا واقوله , أشمعنى اليوم ده وإشمعنى انا ؟ انا كنت مقدم ورقي في مكان حلو هشتغل فيه ومش عارف بعد السنة دي هيبقى المكان لسه مستنيني ولا لا ؟ ماعلينا ، قضيت السنة قدوة حسنة وخلصت علي خير وعلي أكمل وجه . من كم يوم بقى جالي اتصال من أم واحد صاحبي ساكنين في الشارع اللي ورانا , إن ابنها حصلتله حادثة تحت البيت وعاوزني معاهم بالعربية علشان ننقله للمستشفى لبست بسرعه ورحتلهم وبدأنا نلف بيه علي المستشفيات وطبعا علشان الحالة كانت متدهورة ونزيف من ودانه وكده كانت أغلب المستشفيات بترفض تستقبله وتقول لازم مستشفى فيها تجهيزات اكبر علشان حالة المريض اللي معاك خطيرة طيب ياجماعه نروح فين ؟ عقبال ماندور علي مستشفى بأمكانيات اكبر هيكون راح مننا في ظل الكلام والنقاش والخناق والصوت العالي لقيت دكتور جاي عليا بسرعه وخدني بالحضن وقالي خير فيه ايه ؟ وده كان دكتور الطوارئ اللي ماسك النبطشية وقتها واللي أمر بإستقبال الحالة فورا علي مسؤليته الشخصية وبدأ يعمل كل الأسعافات الأولية المطلوبة تجهيزاً لباقي الإجراءات اسمه دكتور مصطفي إبراهيم , أو ممكن نقول جندي مجند مصطفي إبراهيم خدمنا سوا من عشر سنين ، ودي أول مرة اشوفه من بعدها ملقتش كلمة اقولها ساعتها غير يااااااااااه يارب , مش قادر استوعب معقول ؟ يعني انت دخلتني الجيش علشان تنقذ من خلالي روح ؟ يعني يارب فعلا معندكش حاجه اسمها صدفة يعني يارب كل شئ بنمر بيه معمول حسابه لبكره زي ماسمحت ببيع يوسف ثم سجنه وكل ده وهو مش عارف ليه ، لحد ماكان سبب رئيسي في انقاذ أرواح كتير من مجاعه مؤكده كذلك يارب بتستخدمنا وبتحطنا في طريق بعض علشان نكون سبب حياة وخير لناس تانيه غيرنا !! ودلوقتي بس عرفت إجابة سؤال سألته من سنين فاتت .. إن أكيد زعلي من عشر سنين مش هيكون قد زعل أم كانت هتفقد إبنها انهارده ومش مهم اكون ترجمت الأحداث صح ولا لا ، المهم ان أي ضيقه تمر بيها تكون واثق انها للخير ، وإن مكنش مكشوف ليك دلوقتي , فخليك واثق انه هيتكشف بعدين .. كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ #ربنا_معندوش_صدفة مايكل سامي 
|
|
10 - 08 - 2016, 08:33 AM
|
رقم المشاركة : ( 2 ) | ||||
|
..::| الاشراف العام |::..
|
رد: ربنا معندوش صدفة
جميله جداااااااااااااااااااااااااااااااااااااااا
ربنا يفرح قلبك |
||||
|
|
|
10 - 08 - 2016, 09:44 AM
|
رقم المشاركة : ( 3 ) | ||||
|
† Admin Woman †
|
رد: ربنا معندوش صدفة
موضوع مميز شكرا يا لولو |
||||
|
|
|
10 - 08 - 2016, 04:58 PM
|
رقم المشاركة : ( 4 ) | ||||
|
..::| الإدارة العامة |::..
|
رد: ربنا معندوش صدفة
رينا
مارى ميرسي كتير على مروركم الغالى ميرسي مارى لتمييز الموضوع |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ربنا معندوش فيس بوك |
| ربنا معندوش مستحيل |
| ربنا معندوش غير الحب |
| ربنا معندوش مستحيل |
| ربنا معندوش لا |
العرض العادي
