|
 |
 |
 |
|
رقم المشاركة : ( 1 )
16 - 08 - 2016, 06:48 PM
|
|||||||||||
|
|||||||||||
|
المثل بتاع " فاقد الشيئ لا يعطيه "
فيه جانب شيطاني . عارفين ليه !! انا فى وجهه نظرى ان فاقد الشئ هو الوحيد اللى بيقدر قيمته وبيعطيه لو عمر ما حد اهتم بيك .. هتلاقى نفسك بتروح تهتم بناس مالكش مصلحه معاهم .. وهتشوف طعم الشفا ساعتها لو عمرك ما اتحضنت وانت صغير ..هتلاقى نفسك بتروح تحضن العيال الغلابه وتاخد لهم حلويات في جيبك وتلعب معاهم .. ساعتها هاتحس ان طفولتك كانت سعيده فجأه لو مريت بلحظات فشل سايبه أثر جواك .. هتلاقى نفسك بتروح تبذل مجهود وتدفع من مالك وجهدك عشان تسهل طريق النجاح لحد تاني .. هاتنجح لو كان نفسك تعزف مزيكا وانت صغير ..هتلاقى نفسك بتشتري آله لعازف ما عندوش .. وتعزف اجمل لحن محبه لو حد أذاك وانت طفل ..هتلاقى نفسك بتروح تدي وقت تطوعي مع المؤسسات اللي بتخدم المتعرضين للأذى البدني او النفسي هتلاقى نفسك بتدي اللي نفسك تاخده أو (كان) نفسك تاخده بتعمل كده ببساطه ومن غير ماتستنى رد بتوفر على نفسك كلاكيع الطفوله وادوية الإكتئاب والدكاتره النفسانيين وعصبيتك اللي طالعه عالفارغه والمليانه .. .. بتلاقى المسلوب منك .. رجع (وصفه مجربه ومضمونه) 
|
|
| قد تكون مهتم بالمواضيع التالية ايضاً |
| الموضوع |
| فاقد الشئ ينفع يعطيه |
| فاقد الشعور يعطيه |
| بأن فاقد الشيء لا يعطيه |
| فاقد الشيء لا يعطيه |
| فاقد الشئ يعطيه |
العرض الشجري