|
 |
 |
 |
|
رقم المشاركة : ( 1 )
18 - 10 - 2024, 01:26 PM
|
|||||||||||
|
|||||||||||
 اسكتش اليصابات وزكريا الكاهن اليصابات وزوجها زكريا الكاهن مقدمة الدرس والتى فى نهايتها يجب معرفة : 1- قصة اليصابات وزكريا الكاهن وما حدث اثناء دخول الكاهن زكريا الى الهيكل 2- معرفة اسم الملاك الذى بشر زكريا الكاهن بميلاد يوحنا المعمدان 3- معرفة اهمية الصلاة والثقة فى وعود الله والتى بدونها لا نستطيع ان نفعل شيئا نحن نعلم قصة البشارة التى تخص الكاهن زكريا وانه لم يصدق الملاك الذى بشره بهذه البشارة المفرحة بعد مرور سنين على حياته وبعد العقم الطويل المدى وانها لبشارة مفرحه له وزوجنه وانه اصابته القرعه فى الوقت المناسب الذى يدخل الى الهيكل ليبخر عند مذبح البخور وقد اتاه الملاك بهذه البشارة بداية مفرحة لكى يهئ الطفل الطريق لربنا يسوع المسيح يمكن تقديم الاسكتش عن طريق عرايس او تمثيل ايضا تدخل اليصابات اليصابات : يااه زكريا اتاخر خالص ياترى ايه اللى حصل معاك يا ابونا زكريا اتاخرت ليه يدخل زكريا زكريا : سلام يا اليصابات اليصابات : سلام يا ابونا زكريا اتاخرت ليه كدا نهارده انا كنت قلقانه عليك خالص نهارده زكريا : خير يا زوجتى اليصابات اليصابات : مالك بس يا ابونا زكريا صوتك متغير حصل حاجه فى الهيكل خليتك اتضايقت احكيلى زكريا : الناس احوالها مش كويسه يا اليصابات الكسل عنده الناس بقى كتير وناس كتير مش بتيجى تصلى خالص وناس كتير بتصلى للاوثان وناس كتير بدات تبعد عن الهنا اله ابينا ابراهيم واسحق ويعقوب اليصابات : معلش يا ابونا زكريا اكيد هيجى يوم وربنا يتحنن علينا ويزيل عنا العار زى ما ازال العار عن شعبنا فى القديم ايام زمان زكريا : الهنا قادر انه يتحنن علينا اليصابات: قولى بقى عملت ايه النهارده قدمت البخور ولا بردو زى كل مره زكريا : الظاهر يا اليصابات ان الرب غضبان علينا خالص تصدقى لحد العمر ده كله ولا مره تصيبنى القرعه خالص عشان ابخر للرب قدامه على مذبح البخور الظاهر انه مكتوب عليا اموت من غير ما انول البركه من اللى بيتمناها كل كاهن انه يصلى قدام المذبح اليصابات: باذن اله اسرائيل المره الجايه هاتصيبك القرعه وهتبخر قدام المذبح وتاخد البركه العظيمة زكريا : خايف يا اليصابات خالص ليكون حلم مش يتحقق خالص خايف زى ما ضاع عمرنا ومخلفناش عيال اليصابات : يااه يا ابونا انت لسه بتفكر فى الموضوع ده بعد العمر ده كله انت دلوقتى تسعين سنه وانا ثمانين يعنى خلاص مبقاش لينا نصيب ان المسيا يجى من نسلنا زكريا : انا زعلان خالص يا اليصابات عشان معندناش عيال ده عار عندنا انه معندناش نسل اله اسرائيل قادر على كل شئ يلا بينا نرتاح شويه ( يخرج زكريا واليصابات ) تدخل اليصابات لوحدها تتكلم اليصابات: ياترى عامل ايه دلوقت يا ابونا زكريا يارب القرعه تصيبك المره دى وتنول بركه رفع البخور قدام المذبح ( يدخل بعض الشيوخ يعملوا قرعه ) احد الشيوخ : القرعه اليوم على فرقة ابيا الفرقه الثامنه من الفرق الاربعه وعشرين نصلى جميعا ليختار الرب الكاهن ليقدم البخور امام مذبح الرب ( يعملوا قرعه وهما يصلوا ) احد الشيوخ : القرعه وقعت اليوم على ابونا زكريا ليدهل ابونا زكريا القدس ويدخل معاه اللاويين والمجامر والبخور وكلنا نصلى من بره وكلنا نستنى بره لحد ما يخرج ابونا زكريا عشان يبارك الشعب بعد تقديم البخور ( يبدا الشعب ت ترتيل المزمور ال150 اثناء دخول زكريا الهيكل سبحو الله فى قدسه الليلويا سبحوه فى فلك قوته ... الخ ثم يخرج الشعب زكريا : يارب تحنن عليا يارب بطفل ينزع عنى العار يظهر نور شديد زكريا : ايه ده ايه النور الشديد ده انت مين الملاك : لا تخف يا زكريا زكريا : انت مين الملاك : لا تخف يا زكريا، لأن طلبتك قد سمعت، وامرأتك أليصابات ستلد لك ابنا وتسميه يوحنا ويكون لك فرح وابتهاج، وكثيرون سيفرحون بولادته لأنه يكون عظيما أمام الرب، وخمرا ومسكرا لا يشرب، ومن بطن أمه يمتلئ من الروح القدس ويرد كثيرين من بني إسرائيل إلى الرب إلههم ويتقدم أمامه بروح إيليا وقوته، ليرد قلوب الآباء إلى الأبناء، والعصاة إلى فكر الأبرار، لكي يهيئ للرب شعبا مستعدا زكريا : كيف أعلم هذا، لأني أنا شيخ وامرأتي متقدمة في أيامها فأجاب الملاك وقال له: أنا جبرائيل الواقف قدام الله، وأرسلت لأكلمك وأبشرك بهذا وها أنت تكون صامتا ولا تقدر أن تتكلم، إلى اليوم الذي يكون فيه هذا، لأنك لم تصدق كلامي الذي سيتم في وقته يخرج ابونا زكريا يدخل بعض الشعب احد الشيوخ: هو ابونا زكريا اتاخر ليه كدا نهارده احد ا الشيوخ : استنى تلاقيه طالع دلوقت يخرج زكريا وهو يشاور بيده اااه اههه احد الشيوخ : ايه ده ده ابونا شكله شاف رؤيا جوه تعال يا ابونا زكريا تعال ناخدك البيت تعال يخرج الجميع تدخل اليصابات وولدت ابنا وجات تختن الطفل احد الشيوخ : يا ابونا زكريا تعال عشان نختن الطفل وعايزين يسموا الولد يوحنا واحنا بنقول زكريا اي رايك احد الشيوخ: يسمعك ازاى ويتكلم ازاى ده مش هيقدر يتكلم انت بتفكر ازاى زكريا يشاور بيده زكريا : ااااااااه ااااااه احد الشيوخ: ده بيطلب لوحه يكتب عليها يحضروا الوحه ويمسك القلم زكريا : يووو يووو يوووو حنا يوحنا انا بتكلم يا اليصابات انا بتكلم انا بتكلم اشكرك يارب مبارك اله أسرائيل مبارك انت يارب يفرح الجميع ويخرجون كلهم فى نهاية القصة ونهايةالاسكتش معرفة الطفل بقصة زكريا واليصابات هى من اعظم الشخصيات فى الكتاب المقدس والتى تعطينا الرجاء والصبر وتعطينا عدم الاستعجال فى الامور الدنياوية وان هذه الحياة علينا فقط ان نثق فى كلام ربنا يسوع المسيح وانه فى كل شئ نقدم ارادة الرب ولانتذمر عليه ولكل شئ تحت السماء وقت الرب يسوع يبارك الجميع 
|
 |
|
العرض العادي
