رحمة بدون مقابل

[walaa farouk]

القط الأسود اللى موجود فـ الصور ده أسمه ( راديمينس ) ..
من بولندا .. كان عنده جفاف و كان هيموت
بس فيه مركز طبى فـ بولندا أنقذ حياته .
. بعد ما خف عمل حاجة غريبة جداً محدش دربه عليها ..
أشتغل ممرض فـ المركز الطبى ده .. إزاى ؟ ..
بقى يسهر جنب أى حالة مـ الحيوانات التعبانة فـ المركز يدلكهم
و ينضف لهم الجروح بلسانه و يجس درجة حرارتهم
و لو لقى حيوان درجة حرارته عاليه يجرى يشد الدكتورة
لحد ما تيجى تبص عليه ! ..
كل ده من غير ما حد يعمله ولا يدربه ولا يقول له ..
( راديمينس ) دلوقتى أخد درجة ممرض من وزارة الصحة
فـ بولندا و فـ المركز أدوله دورة تدريبية
بيقولوا أنه أصلاً مش محتاجها ..
الرحمة و رد الجميل و الإحساس بالغير
لمجرد إنه مر بنفس الموقف و شافه ..
دى الرحمة اللى ربنا حطها فـ قلب الحيوان
ما بالك بقى بالرحمة اللى المفروض تكون موجودة فيك أنت كـ إنسان .. طب ما بالك أصلاً بـ رحمة ربنا نفسها شكلها عامل إزاى ..
رحمة بدون مقابل ❤