ذكرني بالميعاد يا انبا كاراس

[بنت معلم الاجيال]

بسم الثالوث القدوس الاب والابن والروح القدس اله واحد امين 0
انا اسمي ايليا طالب بمعهد كمبيوتر سوهاج وفي مرة زرت الدير الاحمر ولقيت في كنيسة جديدة باسم الانبا كاراس0
وروحت زرت برضو الدير الابيض ولقيت كنيسة جديدة برضوا باسم الانبا كاراس فسألت عن القديس دا وعرفت سيرته من خلال نبذة صغيرة عنه وعجبتني سيرته جدا جدا0
وعرفت ان عيد تذكاره يوم15\7 فسجلت التاريخ علي منبه الموبايل علشان افتكر واروح ازوره في سوهاج في يوم تذكاره لأني انا مش من سوهاج0
وبعد فترة الموبايل بتاعي باظ وفي يوم 15\7 وانا ماشي في الشارع لقيت صورة صغيرة جدا جدا متزيدش طولها عن 1 سم وانا مش عارف ازاي انا شفتها ولقيتها صورة للانبا كارس وافتكرت الميعاد وعرفت ان الصورة دي من ايد الانبا كاراس علشان يفكرني بتذكاره0
ومن ساعتها الصورة دي لما بكون في اي مشكلة مهما كانت كبيرة بلاقيها اتحلت وحديها0
ومن وقتها وهو شفيع ليا في حياتي وكل مابنادي عليه بحس بوجوده جنبي0
بركة الانبا كاراس تكون مع اجمعنا امين0