ساكبة الطيب
انا قرأت كتير قصة المرأة اللي كسرت وسكبت قارورة الطيب علي رأس يسوع .. بس النهاردة تخيلت سيناريو تاني ، إنها أخذت القارورة وقالت ليسوع دي غالية قوي عليّ لكن انا بهديهالك تعمل بيها زي ما إنت عاوز .. او مثلاً كانت تسكب الطيب وتحتفظ بالقارورة ، ما هي القيمة في "الناردين الخالص الكثير الثمن " مش في القارورة .. لكن هي ما عملتش كده.. دي كسرتها.. يعني مش هينفع تتملي تاني ويمكن اتجرحت كمان وهي بتكسرها! لا ده كمان الناس لاموها!!
كتير ربنا بيشاور علي حاجات غالية في حياتي علشان اتخلي عنها وانا باأقول له اكسر إنت واسكب إنت .. انا موافقة .. غالباً ده بيكون عن عدم شجاعة او خايفة اكسر الغالي بإيدي واندم عليه او يمكن خايفة اتجرح .. لكن هي ما عملتش كده .. دي راحت عنده وأخذت قرار لا رجعة فيه.. ده ولا حتي القاروره تنفع تتملي تاني ..
" وفيما هو في بيت عنيا في بيت سمعان الأبرص، وهو متكئ، جاءت امرأة معها قارورة طيب ناردين خالص كثير الثمن. فكسرت القارورة وسكبته علي رأسه." مرقس 14:3
20 - 12 - 2013, 08:56 PM
العرض العادي
