بابا الإسكندرية: اللي بيعرف واللي مش بيعرف بيطلقوا أكاذيب

[Mary Naeem]

بابا الإسكندرية: اللي بيعرف واللي مش بيعرف بيطلقوا أكاذيب

وأضاف «تواضروس»، أن الحقيقة من الأمور المؤلمة والتي تزيد الأمر ألمًا الأكاذيب التي تطرح «تطلق من اللي بيعرف واللي مش بيعرف، واللي بيفهم واللي مش بيفهم، متأسف في التعبير، لكن على صفحات السوشيال وبعض القنوات التليفزيونية، أمور لا تليق حتى بحرمة الموت وحرمة الحادث والألم اللي في القلوب عند الكل».
واستنكر البابا تواضروس الثاني، الشائعات التي اطلقها البعض على مواقع التواصل الاجتماعي بالتزامن مع حادث حريق كنيسة ابو سيفين بإمبابة «المفترض كلنا كبشر، نضمد الجراح بالكلمات الطيبة والأفعال الطيبة، هي دي اللي نملكة، لكن فيه ناس أثارت الشر للأسف الشديد، وبتتكلم على أكاذيب، وشائعات، وضالات وكلها غير حقيقة».
وأضاف «تواضروس»، «شائعات فيها شكل من أشكال الشماته، وتوجيه التقصير وتوجيه الاتهام للناس، أمور شخصية الكنيسة لا تقبلها على الإطلاق، في حالة الازمات كل إنسان بيبقى في فكرة أنه يؤدي عمل يفك الازمة، لو إنسان في أزمة أو في خطر، نشوف ازاي نسعدة، أو اسعفه، ناس كتير بتتكلم كلام مش في الواقع خالص، ده بيعمل أزمة ثقة، وده مش موجود على الواقع».
وأشار بابا الإسكندرية وبطريرك الكرازة المرقسية، إلى أنه بعد ساعات قليلة من حادث حريق كنيسة أبو سيفين توجهت قيادات الهيئة الهندسة للقوات المسلحة، بتكليف من الرئيس عبد الفتاح السيسي لمكان الكنيسة من أجل إعادة ترميمه وإعادة إصلاحه، «دي مشاعر طيبة للغاية وسرعة استجابة، أمور محمودة جدا، وبنشكر عليها السيد الرئيس، ونشكر الهيئة الهندسية».
وأضاف «تواضروس»، «أنا طلبت الانتظار قليلا لحد ما تتم الجنازات اللي انتقلوا ، عشان بس الأمور تبقى سهلة شوية، بعد ساعات كانت السقالات موجودة، وحاليا يشتغلوا، وربنا يكمل عملهم».
وتابع: «حادثة حصلت وحادثة ممكن تحصل في أي مكان، والحادثة دي كل الأجهزة تكاتفت من أجل أنها تزيل أثار الحادث وتساعد الناس وتحمي الناس، وأنها توصل الناس المستشفيات ده أمور طبيعية في أي حادث، أما المغرضين، أوجه نداء للجميع لا نستمع لمثل هذه الشائعات على الاطلاٌق، كل واحد يقوم بوجبه، وبوجه الشكر لكل من تقدم بمساهمة في هذه الازمة».