زوّادة اليوم: التّمييز
بيخبرو عن صبيّة بتحب كتير الطبخ. لِقيت دفتر وصفات زغير كاتبتو ستها فرحت كتير و صارت تقرا فيه و تستفيد من خبرة ستها بالطبخ. بيوم من الايّام هيّي و عم تقلب بهالدفتر لِقيت مكتوب عا صفحة اسم بيها و حدّو: تجوز الياس ب20 ايلول 2000، ب10 تشرين التاني 2002 خلق شادي، ب 27 ايار 2004 خلّف بنت!
ما صدّقت هالصبيّة عيونها! "البنت" اللي بلا اسم بتكون هيّي! هلق هيّي بتعرف انّو متل كتير كبار بالعمر ستها بتحب الصبيان اكتر و كانو يمزحو بهالموضوع بس ما كانت متخايلة هالقدّ يكون التمييز كبير! هالقصّة بس هدفها تذكّر بأهميّة شكر الرب عا نعمة الأطفال ان كانو بنات او صبيان في عِيَل بتحلم يكون عندها طفل يملي حياتن! صار الوقت يشلحو الناس ثوب التمييز بهالموضوع اللي مع الأسف صرنا بال2020 و بعدنا منسمع فيه و منشوفو! الله معكن
12 - 02 - 2020, 03:29 AM
العرض الشجري