|
 |
 |
 |
|
رقم المشاركة : ( 1 )
24 - 02 - 2021, 05:56 PM
|
|||||||||||
|
|||||||||||
|
حاجة عجيبة ..!!   ايليا زعل وهرب واتمنى الموت لنفسه .. راح ربنا بعتله ملاك يحايل فيه ، وكيكة ومايه ، وآخر دلع .. !  أيوب زعل وكره حياته كلها .. راح ربنا بعتله صديق جميل يديله رجاء .. وكمان كلمه بنفسه ف أربع إصحاحات كاملين وعوضه أضعاف أضعااااف ..!      يونان زعل وهرب برضه .. راح ربنا بعتله عواصف وموج وحوت يبلعه ..!  طب إيه يارب يعني ! ماالناس زعلت وهربت برضه وفقدوا رجاءهم وكرهوا حياتهم وإنت أخدتهم بالهداوة ..!! اشمعنى يونان يعني ؟! اتعجبت حقيقي وقعدت أدور ليه ..!! لقيت نوعين من الناس .. ناس لما بتزعل وتغضب من ربنا بتهرب ليه ، وناس لما بتزعل بتهرب منه ..!! إيليا رغم هروبه ، وأيوب رغم غضبه ، لكن فورا اتكلموا معاه وكشفوا أفكارهم ليه وعاتبوه حتى لو عن غير حق ..!  لكن يونان .. سمع الكلمة ولم هدومه وحط ف قلبه وخد ف وشه وهرب من غير ولا كلمة ..!  بس الجميل بقى .. إن يونان إتعلم الدرس تاني مرة ..! ولما اتغاظ من توبة أهل نينوى هرب تاني .. بس المرة دي هرب لربنا ..   وكشف اللي ف قلبه واللي كان المفروض يقوله من أول مرة بعته فيها ربنا ..! وعلشان كده .. ربنا اتكلم معاه ومثله الحكاية بطريقة جمييييلة علشان يفهمه وكمان يقنعه ..! الخلاصة ..  لما تزعل من ربنا ، إهرب ليه ، واتكلم معاه مش تهرب منه طب يارب انا زعلان وناس كتيييرة زعلانه بس هروبى ليك فرح يارب قلوب زعلانه  
|
|
| قد تكون مهتم بالمواضيع التالية ايضاً |
| الموضوع |
| الصلاه مش طلبات وبس لكن🤔🤔 |
| قلقان 🤔حيران 🤔خايف😩 |
| هل الله يضحك ؟🤔🤔 |
| كيف يحصل الله على قوته💪؟🤔 من أين له كل هذه القوة؟🤔 |
| لماذا يربي الأب الكاهن الشنب و اللحية ؟ و لماذا يلبس الأسود ؟🤔🤔 |
العرض الشجري