|
 |
 |
 |
|
رقم المشاركة : ( 1 )
23 - 01 - 2021, 05:19 PM
|
|||||||||||
|
|||||||||||
|
كيف يامر الرب هوشع ان ياخذ امرأة زني ؟
 ربنا أمر هوشع إنه يتجوز زانية أيوة زانية ومش يتجوزها بس لا ده كمان يجيب منها أولاد من اقوى قصص الحب فى الكتاب المقدس هوشع و جومر كيف يامر الرب هوشع ان ياخذ امرأة زني ؟ ربنا أمر هوشع إنه يتجوز زانية أيوة " زانية " ومش يتجوزها بس لا ده كمان يجيب منها أولاد جاء في هوشع 1 :2 أن الله أمر النبي هوشع أن يأخذ لنفسه امرأة زنى وأولاد زنى. » 2أَوَّلَ مَا كَلَّمَ الرَّبُّ هُوشَعَ، قَالَ الرَّبُّ لِهُوشَعَ: «اذْهَبْ خُذْ لِنَفْسِكَ امْرَأَةَ زِنًى وَأَوْلاَدَ زِنًى، لأَنَّ الأَرْضَ قَدْ زَنَتْ زِنًى تَارِكَةً الرَّبَّ». «. كيف يأمر الله سبحانه وتعالى نبيه هُوشَعَ أن يزني؟. ربنا أمر هوشع إنه يتجوز زانية أيوة " زانية " ومش يتجوزها بس لا ده كمان يجيب منها أولاد ، بس هوشع رضى بالهم و الهم مارضيش بيه ! جومر الزانية مارضيتش بيه و قالتله أنا مش بحبك و مش عايزاك كمان بس هو حبها جداً و إتجوزها و هى راحت سيباله البيت و جريت وراء إللى خدعوها و عملوا إنهم عاشقينها ، و لما كبرت و شاخت و راح جمالها رموها و مابقاش ليها لازمة عندهم و باعوها فى سوق العبيد و لما سمع هوشع جرى عليها مع إنها بهدلت كرامته و شرفه و سمعته بقيت فى الأرض بسببها و سابته من سنين و قالهم لا أنا هشتريها ، و مع إنهم طلبوا فيها ثمن قليل جداً ، ماهى مابقاش ليها قيمة ، قالهم لا أنا هدفع فيها كل حاجة عندى أصلى شايفها زى أول مرة شوفتها فيها جميلة جداً مش زى ما إنتوا شايفينها مليانة عيوب ! يمكن معظمنا مايعرفش القصة دى بس انا وقفت قدمها كتير اوى 🤔🤔 أولاً : إزاى يارب تخلى نبى من أنبيائك يتجوز زانية و كمان يخلف منها ؟! و إزاى تخليه يحبها جامد كدة ؟! و ليه يارب مخلتش جومر تحن قلبها عليه و تحبه هى كمان ؟! ليه عايز تجرحه ؟! بس فكرت فى لحظة إن ربنا بيعمل معايا أنا كدة ، أيوة بيعمل معايا أنا و إنت أكتر من كدة كمان ، ياما بيقرب مننا و إحنا بنجرى وراء الخطية و شهواتنا و ياما بيقدملنا كتير و إحنا بنرفضه و فى الأخر لما بنزهق و نقرف من أشكالنا نلاقى ربنا جاى لينا يشترينا زى ما إشترانا و فدانا بدمه و دفع فينا أغلى حاجة عنده ! ثانياً بقى : الناس إللى بتتكلم عن قصص الحب الواو و الـ proposal الفلانى و . و . و . إلخ ! لما قريت القصة دى عرفت يعنى إيه واحد بيحب واحدة بقلبه بجد ؟! مش واحد شاف خطيبته بتسلم على واحد راح قالها مافيش نصيب ولا هاتى الـ password أشوفك بتكلمى مين ؟! ولا واحد تانى حب واحدة إرتبطوا و قعدوا حلوين مع بعض و لما لقى الدنيا هتدخل فى مسئولية و جواز يقولها أنا عايز سعادتك 😕 نعم يعنى ! لما قريت قصتهم عرفت يعنى إيه حب حقيقى ؟! عرفت يعنى إيه واحد يضحى بكل حاجة عنده ؟! 
|
|
العرض الشجري