تكات بوسي المطبخية

[توتا كمال]

����
انا عندي شويه تكات في الاكل حبيت اقولها.
؛الصلصه: ل اي اكله بحطلها معلقه سكر عشان تكسر الحموضه..
؛الشاورما: سرها بشوحلها حته ليه ضاني واحطها في الاخر ولمي اطفي احط بقدونس مفروم..
؛السمك: عشان يبقي زي بتاع بره غرقيه بالدقيق وسبيه يشرب الدقيق ،
او عرفيه بالدقيق وبلي ايدك وطبطبي عليه بخليه معجن،
او نزليه في مايه بسرعه وطلعيه علي الطاسه هايفضل فاتح ومقرمش..
؛ ارز السمك: وانتي بتعمليه حطي معلقه سكر مع الزيت لما تغمق حطي البصله وشوحيها لغايه مايغمق وبعدين الرز ومعلقه صلصه جاهزه...
؛خلطه المحشي: حطي فيها خضرا ناشفه طعمه احلي من الخضرا وحطي نعناع ناشف مع الصلصه وهي بتسخن وقبل الحشو....
؛الفراخ واللحمه المشويه:تبليها في مايه بصل كتير من غير طماطم ولا سكر عشان لما تسويها ماتتحرقش بسرعه
وبعدين سويها علي البوتجاز بس لازم تلون وشويه مايه صغيرين اوي اوي وفي الاخر اعمللها فحمه وسبيها براحتها تبرد وسخنيها تاني ساعه الاكل بالفحمه بتبقي تحفه..
؛في العجن: حطي الخميره تخمر مع السكر وشويه دقيق وماء دافئ قبل ماتعجني بيها ومعلقه خل عند العجن تحفه..
؛اي حاجه مسكره: احط رشه صغيره اوي ملح..
؛صلصه الكشري:من ابوطارق بعد ماتطفي علي الصلصه سخني معلقه زيت عليها معلقه كسبره ناشفه وطشيها بيها واتفرجي.
؛البفتيك: تبليه وبعدين نفضيه كويس من التتبيله وحطيه في دقيق وبعدين بيض علي لبن مش كتير يبقي خليط تقيل وبعدين حطيه في بقسماط كتير واضغطي عليه اوي وسبيه شويه عقبال ماالطاسه تسخن
ملحوظة الطاسه تحطي فيها شويه زيت علي ذبده مايبقاش مغطي البفتيك واول مايحمر اقلبيه علي الناحيه التانيه وطلعيه علي طول عشان ماينشفش..
؛العجة وخلطه القرنبيط: بنحط معاهم بكينج بودر.
؛التوابل الجافه: زي الذعتر والروز ماري بنحطهم علي الكل لما ننزله عن النار..
لو بتعملوا اكل فيه ذبادي او لبن رايب علي النار ضيفوا عليه معلقه نشا عشان مايخرزش..
وبالفين هنا وصحه وعافيه.

[Mary Naeem]

لو بتعملوا اكل فيه ذبادي او لبن رايب علي النار ضيفوا عليه معلقه نشا عشان مايخرزش
ربنا يباركك