تعريف الشاب الاوبجكشن (الشاب المعترض دائما)

[Ebn Barbara]

تعريف الشاب الاوبجكشن (الشاب المعترض دائما)
-هو شاب نفسه يحس بنفسه في اي شيء فمبيلاقيش نفسه غير في الاعتراض الدائم علي اي شيء..ماشي بمبدء خالف تعرف
-هو شاب نفسه يحس انه ثوري و حر دائما مع انه مش فاهم يعني ايه ثورة و لا ايه حرية ووصل لحالة التطرف في الاتنين
-هو شاب نفسه ياخد مديح من الناس و يقولوا عليه انه حيادي دايما فممكن يقولك علي الصح غلط فقط لان اللي بيقول الصح بقوا اكتر من اللي بيقولوا العكس
-هو شاب ليه عقده دايمة مع الجيش سواء في فترة تجنيده او كان خايف جدا من التجنيد او هربان منه..( بأختصار متعقد من الجيش فماشي بمبدا يسقط يسقط حكم العسكر و هو من الاساس مش عارف يعني ايه عسكر او مدني)
-هو شاب دايما معترض ع الشرطة حتي لو الشرطة اتغيرت للاحسن و ده بس عشان يشبع احتياجة في الاحساس انه ثوري و حر دايما( وده لان مفهوم الثورة عنده و الحريه هي انه دايما يكون ضد الشرطة)
-هو شاب لا يتكلم في حقوق الانسان الا اذا كان هذا الانسان من الطرف الاخر المضاد ليه و ده مش عشان الانسان نفسه لكن عشان يشبع احساسة بالحيادية واخد المديح
-هو شاب دايما بيحاول يقاطع في كل الاتنخابات و ده طبعا لان غريزته في الاعتراض بتلح عليه في كده و عشان برده يحس بشوية اختلاف
Bassem Mourad Gerges