زوّادة اليوم:
26 حزيران هوّي اليوم العالمي لمكافحة المخدّرات.
بهاليوم بتكتر حملات التوعية عا وسائل الإعلام. نحنا بدَورنا منصلّي عا نيّة كل شخص مدمن حتّى ربنا يعطي القوّة يتخلّص من هالسم و يرجع للحياة الطبيعيّة. منصلّي كمان عا نيّة كل شخص قدر يتخطّى الإدمان حتّى ما يرجع يضعف و يبقى قوي. ما مننسى نذكر الجمعيّات اللي بتشتغل حتّى تساعد الشباب و الصبايا يفهمو انّو صَح مشاكل الحياة كتيرة و في اشيا صعب كتير علينا نتقبّلها و نعيش معها و خصوصا الوضع اللي نحنا فيه هلّق بس اكيد اكيد الحلّ مش بالمخدّرات! المخدّرات هيّي للي بدّو يهرب عا عالم خيالي و بتقتل عالبطيء بوقت الحل الحقيقي بيكون بالمواجهة!....صلّوا معنا عهالنوايا...الله معكن
26 - 06 - 2020, 02:47 PM
العرض الشجري