|
 |
 |
 |
|
رقم المشاركة : ( 1 )
25 - 09 - 2012, 09:37 PM
|
|||||||||||
|
|||||||||||
|
اول شي حابه اتكلم واساعد كل عروسه بدبش ..
معروف الدبش ملابس مكياج عطور ....... الخ بس نبغا نتكلم عنها بتفصيل عشان اخواتنا إلي تكون اول تجربه لهم يستفيدو معانا .. أول شي اختي نصيحتي لكي تبدئي تشتري اغرراض دبشك قبل زواجك بفتره لانه كل مايقرب الزواج بتكثر حوسته وراسك راح ينفجر .. ايش نشتري أول شي.؟ نبدأ بلملابس.. نشتري ملابس البيت وملابس الداخليه و لانجري وبعض من فساتين السهره واطقم الخروج ولاكن قبل زواج بشهرين نكمل باقي الملابس عشان لاتروح موضتها مثلا فساتين السهر والخروج ، مع ملاحظه بسيطه لا تشتري ملابسك كلها نفس مقاسك الحالي حاولي تكبري المقاس لأحتمال السمنه او الحمل بعد الزوج .. وعلا فكرا انا سويت زي كدا وحملت بعد زواجي وبألبس الملابس ألي اخدتها اكبر من مقاسي >> وماننسى الوالده إلي اصرت اخد كم شي للحمل وما شاءلله نصيحتها افادتني كتير فساتين السهره لا تكثري منها يعني بلكثير اشتري 4 او اقل لانه معروفين نحب دوارة السوق ونشتري الاجد.. اقمصة النوم لا تشتري كثير>> اعرف بنات نص مهرهم راح في لا نجري وبصراحه هبل دا .. يعني اشتري في حدود المعقول ، الطويل والقصير المفتوح والمغلق يعني اختاري الحلول الوسط. لانه راح تجيكي هدايا من صديقاتك واهلك كثير واقمصه يا كثرهااا وغير كدا زوجك ما راح يقصر كل نزلة سوق لازم تاخدو لفه علا نعومي >> ههههههـ مجربهـ   طبعا ما ننسى الشراريب و الهيلا هوب والمشد ضروري منها .. ــــــــــــــــــــــــــــــــــــــ نروح علا طقم السرير حاولي تختاريه فخم وسعره معقول لانه هوا ألي بكشخ غرفتك لاكن مو معناته كل انواع التطريز والشغل فيه >> سار عفش مو حلووو بلمره يكون بسيط لا كن فخم والالون يفضل السكري البيج الفاتح اللولي بصراحه الوان هادئه ومريحه للنفس.. ـــــــــــــــــــــــــــــــــــ المكياج .. ازا كنتي من محبي المكياج ف لازم تشتري افضل انواع المكياج وتاخدي كل الي تحتاجيه من اساس بلون البشره وافتح بدرجه >> ماركة إلي تفضليه والمناسبه لبشرتك ،كنسلر = خافي عيوب ، قلم او ظل رسم الحواجب>> اجود انواع من محلات ولا للتجميل فرش الاظلال من محل مكياجي روووووعه والاضلال والمسكره والانير من الماركه إلي تفضلينها .. بس إلا المكياج ماركات ابو مشي حالك بلاشي منها بتعدم بشرتك اكيييييييييييييييييييييد.. اضاءات فضي ودهبي و المناكير والمحديدات والارواج وبودرة الوجه مع اساس الجسم .....الخ وووووووووو ألخ .. لاكن معلومه المكياج نشتري قبل زواجنا بوقت بسيط عشان لا يخرب ويسيح في الحر ... ــــــــــــــــــــــــــــــــــــــــ العطور خدي للسهره والبيت والصباح والخروج يعني نوعي لاكن اختاري روائح مميزه ولا تنسي عريسك بكم عطر ومعطر الجسم و مسك الطهاره ومزيل العرق و كريمات و بودره الجسم .......الخ ــــــــــــــــــــــــــــــــ مزيل المناكير ومزيل المكياج وقطن وادوات المناكير والبدكير و رموش واضافر تركيب رغوة شعر جلي واسبريه للشعر .. مكرللشعر وبنس واستشوار ومملس شعر وفرش الشعر بانواعها عداساتك ومحلولها ......الخ ـــــــــــــــــــــــــــــــــــــ نروح علا الحمام نشتري كل اغراض الاستحمام من صغيره للكبيره ونشتري حلاوة للجسم والة براون لازلة الشعر ونشتري كوتكس لشهرين وكوتكس اليوميه ومناديل الخاصه و مناشف الاستحمام مع طقم الاروبه كااامل مع طقم للحمام = سلة و مفرش ارض مع ستاره .....الخ ـــــــــــــــــــــــــــــــــ نشتري الشنط للخروج اليومي وللسهره ونختار للسهره الالوان الساسيه اسود فضي دهبي احمر مع اطقمها وطقم شنط السفر مع شنطة المكياج مهمه للسفر .. اذا كنتي من محبي الكعب العالي اشتري لاكن لا تستغني عن الفلات للمشاوير العاديه والكوتشات >>> وتحسبا للحمل ^^ لا ننسى الاحزمه والمسافع للحجاب علا اهل الزوج بجميع الالوان لتطقيمها مع ملابسك .. ومسفع الصلاه والسجاده ليكي وللضيوف . وما ننسى قميص اول يوم ويااااحلوين اسمو قميص اول يوم لازم يكون مؤدب شويه محترم مو قصير ومفتح .. ـــــــــــــــــــــــــــــــــــــــــــــ الاكسيسورات نشتري للخروج واليومي وللسهر وعالالوان علا حسب الوان ملابسنا ونشتري طقم كامل للسهره فضي ودهبي ونشتري ساعات للخروج وسهره وخواتم.. وما ننسى لعشاق الرومنسه تشتري شموع مع فواحات ومعطر للجو .. اممممم ما اعتقد انه هاذا كل اغراض الدبش بس اتمنى افدتكم بمعلوماتي واخواتي لو عندكم ملاحظات واضافات افيدونا ... ــــــــــــــــــــــــــــــــــــــــــــــــــ ـــــــ نروح علا اسوق الغالي والرخيص في مكه وجده.. ونبداء بــ مكه الرخيص والوسط .. سوق العيله والعزيزيه سوق العتيبيه والرصيفه وشارع منصور ...اشهر اسواق شعبيه في مكه .. الغالي الضيافه المجاز والحجاز .. اما جده الرخيص والوسط .. عندنا طيبه والبوادي وتاج توج وحوالينهم وسوق مهجه حولينه في محلات خطيره سوق المينه ويسمى سوق الصواريخ سوق شعبي فيه الغالي والرخيص لاكن باسعار معقوله .. اما الغالي جميع مولات جده وطبعا معروفه من غير ما اذكر اسماء .. نصيحه .. القطعه ألي تشتريها مو بسعرها بشكلها ومضهرها عليكي يعني باختصار البنات ألي يضيع مهرهم كله في الماركات ترا ياحلوه لما تلبسي ماراح احد يعرف انتي لابسه من اية محل ألا ازا انتي قولتي او لبستي البلوزه بلمقلوب وقتها نعرف يعني بأختصار اشتري الشي الحلو ولايق عليكي ويحسن مضهرك وقتها بتكوني كشخه موالغالي ... فخمتي= فهمتي . وبكدا انتهيت من كل شي حبيت اقوله ولا تحرموني ياحلويين من مروووركم وتقيمكم ومشكورررين ^^  
|
 |
|
| قد تكون مهتم بالمواضيع التالية ايضاً |
| الموضوع |
| موسوعة اسماء بنات من الالف للياء ومعانيها |
| تربية الكلاب من الالف للياء؟؟؟ |
| كل ما يخص الروت وايلر ( طرق تدريبه من الالف للياء) |
| تنظيم وفرش شقة العروسة من الالف للياء |
| حوضي البحري من الالف للياء |
العرض العادي
