|
 |
 |
 |
|
رقم المشاركة : ( 1 )
10 - 01 - 2017, 03:43 PM
|
|||||||||||
|
|||||||||||
|
حق الاختيار من اكبر الحقوق والمميزات اللي فضلنا بيها ربنا ... حق اخدناه بمجرد وجودنا فى الارض وهيبان جدا لما بتامر ابنك بشئ وميرضاش ينفذه.. بيفكرك ان من حقه الاختيار حتي لو انت شايف انه بيختار غلط... المهم انه بيستعمل حقه بيبان فى اختلافنا فى الدين والفكر واللبس والقناعات.. كلها بتظهر حق الإختيار نيجي فى العلاقات كتير بيظنوا ان معندهمش اختيار... من اول الجوازه نفسها واصرار اهلها...او تحكم الزوج... او الظروف الاجتماعيه والمادية..او الولاد ومسؤلياتهم..او طباع الزوج و...... كذلك الراجل..يقولك مكنش في اختيار عشان ولادي وبيتي ووووو وفى الحقيقه هو فى اختيار دائما وابدا ... وجوا الموقف اللى بتظن انك كنت مجبر ومكنش ليك اختيار... انت بالفعل اخترت بالحل المتاح المطروح..ففعليا قومت بعمليه الاختيار. الفكرة كلها فى خطوات وعناصر الاختيار احنا بنعمل قرايه سريعه لتبعات القرار.. واهم عنصر اللي بيحدد تقريبا اختيارنا هو قدرتنا علي تحمل تبعات قرارنا.. هل هنقدر نتحمل ونبذل المجهود اللى هيترتب علي الاختيار ده... من اول مواجهه الناس وتحمل نقدهم. وكلامهم والمجهود الشخصي اللي هبذله عشان اغير تصرفاتي او عاداتي والظروف اللي هتتغير وهيترتب عليها اختيارات وقرارات جديده وبما ان فى جزء كبير بيبقي مش معروف...فبيلعب الخوف دور بطوله هنا... يضخم فى وقع كلام الناس علينا...يهول الالم والتبعات...وببقي اسير لمربع الراحه. فنختار ضمنيا ..ان اللي اعرفه احسن من اللى معرفوش لاني ببساطه اخترت اني مبذلش المجهود المطلوب للاختيارات التانيه وبعد كده اشتكي واقول اصل مكنش قدامي غير كده.. بطل شكوي وواجه نفسك...انت كده كده بتختار اعترف قدام نفسك بانك ساعات بتختار الاسهل او الاضمن... لكن خليك عارف ومتأكد المرة الجايه لما تقول مكنش قدامي غير كده... انك بتضحك علي نفسك وسامح نفسك وشجعها لما تلاقي نفسك اخترت غلط... لان ده جزء من رحله التعلم ... احنا بنتعلم من اخطائنا اكتر ما بنتعلم من الصح... لما تغلط ..قيم وادرس واعرف الاسباب وكمل...وشوف محتاج ايه عشان تتحسن. هى رحله ابتدت بوجودك على الارض وهتنتهي برحيلك منها... كل اللي في النص ده فرصتك 
|
|
| قد تكون مهتم بالمواضيع التالية ايضاً |
| الموضوع |
| الاختيار ليك |
| الاختيار |
| لمن ترك الاختيار له |
| لي الاختيار |
| الاختيار |
العرض الشجري