ونحن نعلم

[walaa farouk]

من أكتر الآيات اللي بنرددها هي :
"وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ،
الَّذِينَ هُمْ مَدْعُوُّونَ حَسَبَ قَصْدِهِ." (رو 8: 28)

وبولس هنا بيأكد ب "ونحن نعلم" بصيغة المضارع التام في اللغة اليونانية،
ودي صيغة بتعبر عن أشياء تمت في الماضي بس مازال تأثيرها مستمر لحد دلوقتي.

الإيمان بأن الله بيعمل لخيرنا دا شيء مستمر مش قناعة كانت عندك زمان بس لسة عندك لدلوقتي حتى في وسط الظروف الصعبة.
والتجارب هي اللي بتعزز الحق الكتابي اللي بيقول ان الله شايلنا حتى في ظروفنا الصعبة هو معانا.
الحق اللي بيقول ان الله بيستخدم التجارب القاسية اللي بنعدي فيها لمباركتنا.
بولس وهو بيقول "ونحن نعلم" كأنه بيلمح انه كان عارف ده ومع الظروف المختلفة الصعبة اللي مر بيها هو لسة شاعر نفس الشعور ومصدق وعارف ان الله معاه وبيعمل لخيره.