|
 |
 |
 |
|
رقم المشاركة : ( 1 )
04 - 07 - 2024, 05:02 PM
|
|||||||||||
|
|||||||||||
 أنا أيمن ٣٧ سنه أرمل وعندى طفل ، المفروض الشهر اللى جاى يتم ١٠ سنين لكن حكمة ربنا كان لها أمر تانى .. شهر يناير ٢٠١٧ يعنى من سنه فاتت تحديداً كان يوم تلات الساعه ٧:٣٦ بالليل ، كان عندى ضيوف ، بعد ما خلصنا قعدتنا نزلت معاهم عشان أوصلهم ، ولما رجعت شوفت منظر صعب جداً بالرغم انى واخد كل إحتياطاتى وبعمل كل ما فى وسعى عشان مايجيش اليوم ده وأشوفه فى أعز ما عندى .. لاقيت إبنى قاعد وحاطط رجل على رجل وماسك عُقب سيجاره من الطفايه وعامل نفسه بيشرب .. ماقدرتش أمسك نفسى ونزلت فيه ضرب وزعيق .. بعد ما هديت مسكته وقولتله .. - ماينفعش تشرب سجاير دى وحشه ومُضره ممكن تقتلك .. لكنه رد عليا رد شديد قوى قالى مانت يابابا بتشرب... أخدته فى حضنى وقولتله أوعدك إنى مش هاشرب تانى .. أسبوع وماقدرتش أبطلها ورجعت زى الأول وأكتر كمان، بعد ست شهور أبنى أغمى عليه فى المدرسه ونقلوه المستشفى .. المفجأه اللى ماكنتش قادر أصدقها أن تقرير الدكتور قال انه بيشرب سجاير ، وبسبب ضعف رئتيه ماستحملش الدخان وجاله سرطان فى الرئه .. إنهرده أنا إبنى مات ، وأنا اللى قتلته بأيديى ،عاقبته عشان غلط وحاول يقلدنى ويشرب سجاير وفى نفس الوقت انا بعمل الغلط ده.. كنت فاكر انه هايسمع كلامى لما حذرته منها لكن ماكنتش عارف انه بيشوف تصرفاتى ويقلدها .. نصيحتى لكل أب وأم ماينفعش تعاقب إبنك على فعله للغلط وانت بتعمله ، حتى لو من وراه ، الأطفال فى السن ده بيكونوا لماحين جداً وبيلاحظوا كل حاجه .. ماتقولش ان الواد صغير ومش فاهم ، هو مش فاهم فعلا أنت بتعمل ايه ، لكن الحاجه الوحيده اللى فاهمها انه يقلدك وبس .. بلاش تشوه أجمل حاجه عطهالك ربنا .. بلاش تقتل ضحكه كانت بتهون عليك مرارة الدنيا .. حضنه وحشنى قوى 😰 
|
 |
|
| قد تكون مهتم بالمواضيع التالية ايضاً |
| الموضوع |
| ضحكه صوتها يوصل لأخر الدنيا |
| العلاقه مع ربنا بتهون عليك حاجات كتير |
| شكراً للناس اللي بتهون عليك مصايبك |
| قدامه بتصغر الدنيا وقصاده بتهون كل الأوجاع |
| الضحكة دي كانت بتهون علينا كتير |
العرض العادي
