تداريب السنة الجديدة | ابونا بولس

[Ramez5]

تداريب السنة الجديدة
ابونا بولس

احنا النهاردة بنعمة ربنا عايزين ناخد تدريبين هيفرقوا معانا اوي :
1. "ما لا تدركه كله لا تتركه كله"
يعني لو ضاع منك شوية وقت في اليوم و فاتك صلاة باكر ماتخليش اليوم كله يضرب و تكتئب و اليوم يروح.لا حاول تنقذ ما يمكن إنقاذه و ممكن تلاقيك لحقت و ظبطت.
قصة وابونا في الجامعة :
كان في سنة من السنين و ابونا في الجامعة و عنده امتحان في مادة استثمار .. و قابل صاحبه و بيراجع و كدة قبل الامتحان بحوالي ساعتين و اكتشف ابونا انه ذاكر ملزمة واحدة بس من 3 ملازم (اتاري في المكتبة اللي جاب منها ابونا الملزمة كان فيها جزء تاني و تالت و الراجل مقالوش)طب بعدين يعمل ايه و باقي ساعتين.. كان قدامه حلين:
يا خلاص يمشي و يكبر من الامتحان او ويحاول يعمل حاجة في الساعتين دول..فرشم الصليب وقرر انه هين ما يمكن إنقاذه. . وربنا أداله نعمة و هدوء و ابتدي يراجع مع صاحبه ده و يكتب كل كلمة بيقولهاله و يحاول يجمع علي قد ما يقدر و دخل الامتحان .. مبصش في ورقة الاسئلة .. رشم الصليب و صلي وكتب الاول في اول 10 دقايق كل اللي جمعه من صاحبه وبعدين ابتدي يقرا و يحل و ببركة ربنا جاب جيد في المادة دي !!!
كان ممكن يفقد الامل او يقول مستحيل ..او مانا ماليش ذنب .. بايظة بايظة لكن لأ.. أتعود أن ما لا تدركه كله لا تتركه كله ..إرشم الصليب و قرر انك هتطلع بحاجة .. ماتخسرش حياتك أو يومك أو أسبوعك. . اطلع بحاجة .
2.تاني تدريب اسمه : اسم و فعل
طول النهار أشغل نفسك باسم و فعل ... يعني ايه ؟؟
الاسم هو اسم ربنا. . عود نفسك ان اسم ربنا يسوع يكون طول النهار علي لسانك طول النهار كرر اسم ربنا و أشرك معاك في كل حاجة .. و بعديها فعل ... نجيني.. احميني.. قويني. .
لو حد سالك انت مين ؟ هتقول : انا جون مثلا لكن داود لما اتسأل أنت مين..رد : اما انا فصلاة .. كلم ربنا كتير و قوله
أرجوك اعمل حاجة .. أرجوك نسيني.. ارجوك نجيني
- كان فيه ست عجوزة بركة اوي و كانت متعودة فعلا تكلم ربنا في كل حاجة..لو شحات خبط تقوله يا رب يسوع الاقيله قرش .. كدة لدرجة أنها كانت معروفة "بالست اللي طول النهار بتكلم ربنا. 4 وفي يوم كلمت ابنها الساعة 4 صباحا و قالتله :
تعال بكرة الصبح هتلاقي سجادة برة وتحتها مفتاح الشقة . انا مستحمية و ماسكة صليبي و إنجيلي و لبست اللبس الأبيض اللي كنت جايباه. .محدش يتخض ولا يعيط علي لان رب المجد ورأني المكان اللي انا رايحاه و مش قادرة أوصفلك جماله.. سلام يا حبيبي و فعلا ابنها جه ولقي بالضبط كل اللي قالت عليه ... مجرد تدريب اسم و فعل ممكن يقربك من ربنا اوي اوي ..