|
 |
 |
 |
|
رقم المشاركة : ( 1 )
21 - 01 - 2022, 09:32 PM
|
|||||||||||
|
|||||||||||
 البقاء ف مكان انت مش مرغوب فيه ده اكبر غلط انك تكون موجود وسط أشخاص مش حاسين بتعبك مش فاهمينك مش بيقدروك ده اكبر أذي للنفس . ف تبتدي تحس ان المشكلة فيك . ف تصلح من نفسك تتوهم ان عندك عيوب وتبتدي تغير من شخصيتك علشان تكون ف صورة اوضح ويقدرو يشوفوك أو حتي يحسو بوجودك تبتدي تحس بضعف ف شخصيتك ينعكس عليك بالتعب النفسي أو مش حاسين بضغطك النفسي وانك مش قادر تستمر ف انك تقابل كل ده بنفس الإبتسامه ف كل مرة يمكن زعلك الداخلي محدش شايفو بس تغيب ابتسامتك أو من كتر ما انت اتخذلت يظهر عليك بس ملامح انك مضايق او انك مليت ف اهمالهم ليك ومع مرور الوقت تخلق ليهم ألف عذر علشان مش حابب تشوف انهم غلطانين وانك كنت حابب تكون موجود ف حياة ناس هما اصلا مش عاوزينك . والمشكلة الأكبر لما تبتدي تواجه نفسك بالحقيقة دي . انك مرفوض او مش مرغوب لأكتر شخص مفضل عندك او انك مش محبوب وسط الشلة بتاعتك او وسط أهلك او صديق .. ف ينعكس عليك كل ده بأنك تفكر تنعزل او تكون وحيد ومش حابب تتعامل مع حد لأنك اتخذلت قبل كدة او لأن معندكش طاقة تشوف نفسك تاني شئ لا يذكر وتبتدي تبعد لحد ما تكون شخص منطوي وتقعد مع نفسك وافكارك تكلمك هو انا ليه مكنتش ظاهر بالنسبالهم هو انا فعلا شخص سئ هو انا مختلف عنهم وده غالبا بيغير فيك حاجات كتير ممكن من ضمن الأفكار اللي بتجيلك انك تحاول تتقلد بشخص محبوب وتصنع شخصية غير شخصيتك حتي لو الشخصية دي غلط لكن محبوب لسبب ما أو انك تعيش مع الناس من وراء شاشة الفون وتخاف تواجه الحقيقة اللي بأعتقادك انت الغلط انها حقيقة . لكن الحقيقة انو مكنش مكانك من الأول . مش ده المكان اللي هتعرف تثبت وجودك فيه مش هنا المكان اللي صوتك هيكون ليه أهمية فيه . هتعيش بأسلوبك وطريقتك وشخصيتك مرتاح لما تكون ف مكانك الصح لما تكون انت اكتر شخص مميز وانت الأولوية وقتها بس تقدر تقول ان ده مكاني .. لكن مينفعش تكون ف مكان بالنسبة للناس اللي فيه انت مش موجود وتحاول تثبت وجودك ... مثلا الأرض مش بتاعتنا وكلنا أغراب وبنحاول نثبت مكانا فيها مع انها مش مكانا دي رحلة عابرة هنقضيها ونمشي كان لازم نبني ف مكانا الحقيقي مش هنا خالص . كان لازم تعرف مكانك فين من الأول وتسعي انك تروح وتكون مميز ف مكانك الأساسي ... 
|
 |
|
| قد تكون مهتم بالمواضيع التالية ايضاً |
| الموضوع |
| "لو تعرف يا بارباس مين اللي مات مكانك |
| لازم تعرف |
| يا صاحب المزود مكانك مش هنا مكانك جوه قلبي تملاه بالهنا |
| لازم تعرف |
| لازم تعرف |
العرض العادي
