ياللاّ كلنا ندخل ونشارك فى حفل تكريم أختنا الخادمة الأمينة"مارى نعيم"فى عيد ميلاد الفرح المسيحى

[nasser]

مارى نعيم

سلّموا على مريم التى تعبت لأجلنا كثيراً رو6:16
سلّموا على بَرْسيس المحبوبة التى تعبت كثيراً فى الرب رو12:16
أوصى إليكم بأختنا فيبى التى هى خادمة الكنيسة...لأنها صارت مساعدة لكثيرين ولى أنا أيضاً رو16-1و2
هناك تشابه كبير فى الفرح المسيحى بين مريم التى تعبت لأجلنا كتير وكمان بَرْسيس المحبوبة وكمان الأخت فيبى الشماسة وخادمة بولس الرسول وبين أختنا الخادمة الأمينة مارى نعيم
اسم فيبى معناه يشرق أو يضىء...وكمان بهية أو منيرة.كان لها خدمتها الفعّالة فى الكنيسة حتى قال الرسول عنها"لأنها صارت مساعدة لكثيرين ولى أنا أيضاً"
الوحيدة بين أصدقاء بولس الرسول التى يدعوها أختاً.
يقول القديس يوحنا ذهبى الفم(انظروا كيف يكرمها بطرق كثيرة فقد أشار إليها قبل الكل ودعاها أخته وهذا ليس بالأمر الهيّن أن تدعى أختاً لبولس كما ذكر رتبتها بكونها"شماسة"(خادمة)ولأنهاهى نفسها قديسة.
مارى بتتعب كتير من أجلنا فى المنتدى وبتشجعنا دايماً وبتشجع الأعضاء وأى حد بيطلب منها طلب بتساعده على طول ودايماً تقول كلمتها المعروفة:أنا فى خدمتكم-بكل تواضع وسرور.
واحنا كان دايماً نفسنا نكرم أختنا مارى فى مناسبة كبيرة فى المنتدى وانتهزنا الفرصة هذا العام فى عيد ميلاد الفرح المسيحى السادس
هذه المناسبة الجميلة بتكريم يليق بها.
وأنا بطلب من كل مَنْ فى المنتدى واللى بيحب مارى حب حقيقى وحاسس انها خادمة نشيطة وبتحب الأعضاء وبتتعب علشان تقدملهم حاجات جميلة...ان كل واحد يدخل ويقول كلمة..جملة..
أو ممكن يقدم صورة تتكلم..أو آية..ونشترك كلنا فى تكريم هذه الخادمة الأمينة فى هذه المناسبة الكبيرة عيد ميلاد الفرح المسيحى.

ياللاّ اتفضلوا أخوتى الأحباء

[nasser]

[محتاجه لايدك ياربى]

مارى بأمانة صعب انها تتوصف بالكلام حقيقى هى نعم الخادمة الامينة
ربنا يبارك فى حياتك وخدمتك يا احلى مارى فى الدنيا وبجد من قلبى انا بحبك
ربنا ميحرمناش منك ابدا يا قمر

[ميرو]

واووووووووو
ماري
طب اقول ايه ولا ايه عنها
لو اتكلمت عنها مش هخلص ولا يكفيني كلام عنها
اصلها ما تتوصفش مافيش كلام يوصفها
بصي يا ستي ههههههه
اولا انا
بمووووووووووووووت فيكي بجد بجد
حبيبتي حبيبتي حبيبتي حبيبتي حبيبتي
خمسه حبيبتي في وش العدوووووووو هههههه
بجد انت حد حلووووو خالص ونشيطه فوق العادي
من كتر اللي جوايا مش عارفه اقول ايه ولا ايه بامانه

[sama smsma]

مارى يعنى المحبة والنشاط والخدمة الحلوة والافتقاد
و كل حاجة حلوة بالمنتدى
كل اللى اقدر اقدمهولها من قلبى هو دعوات وصلوات من اجلها
ان ربنا يبارك تعبها ويبارك خدمتها الحلوة ويخفف عنها تعبها
ببركه وصلوات ام النور عنا تحفظها وتفرح قلبها
وتشوف اولادها احسن الناس يارب

[روشا الفرفوشه]

مارى يعنى منتدى الفرح المسيحى
من غيرك يبقى المنتدى مالوش طيب
ربنا يخليكى لينا يا رب يا مرمر

[كيلارا]

مارى تستحق كل تقدير واحترام
انسانة محبة جدا وخدومة
من اجمل الناس في المنتدى
ربنا يبارك حياتها وخدمتها ويديم مجهوداتها
ربنا يخليكى يامارى يااحلى اخت فى الدنيا

[Ramez5]

مارى شخصية مميزة جداً فى الفرح المسيحى
وعمود أساسى للموقع
مميزة فى خدمتها
بتتعب كتير بجد
مهما نتكلم مش هانقدر نعبر عن مجهودها
كلنا متفقين ان مارى ليها دور فعال جداً
ممكن تتغاضى عن اى تعب ومجهود علشان الخدمة
علشان كدة كلنا لازم ندعى ليها
ان ربنا يملاء بيتها بالفرح ويبارك حياتها
وتجنى ثمار خدمتها فى حياتها ثلاثون وستون ومائة
أمين

[magdy-f]

كلمة شكر وتقدير لعضوة و مشرفه وإدارية أستحقت الاحترام والتقدير وهي عضوة مميزة ورائعة

تمكنت هذه الإدارية الفاضلة التنقل بين قلوب وعقول الاعضاء
هي التي تساعد الجميع هي التي لاتتعب ولاتمل لتقديم المساعدة للجميع كانوا أعضاء او مشرفين

تجد لها مكانا اينما تجولت في ربوع هذا المنتدى الغالي علينا
وفي كل الاقسام ولذلك استحقت ان يحترمها الجميع وبلا استثناء

نهديكي باقة من الورود على تميزك الواضح
فأنتي تستحقين الكثير من الاحترام فلك جزيل الشكر والامتنان على تواجدك واسلوبك الرائع

أحبها الجميع لروعتها ولروعة حضورها هي المتألقة بكل حرف تنسجه

تبقى الكلمات بحقك قليلة والاحرف التي تتكلم عنك قصيرة نظرا لجهودك وعطاءك الدائم للمنتدى

ويبقى قلمي عاجز ماذا يقدم لك من عبارات الشكر والتقدير والاحترام

[walaa farouk]

مارى حبيبتى بحبك اووووى مفيش اى كلام يعبر عن محبتى ليكى قلمى عاجز مش عارفة اشكرك ازاى لانك محبه جدا وخدومه جدا وطول الوقت بتشجعينى وبتفرحى قلبى بكلامك الجميل ربنا يبارك فى خدمتك ويعطيكى ثمار خدمتك ويارب فرحانة دايما مع منتدى الفرح المسيحى