ب15 جنية تقدري تعملى بريل فى البيت يكفيكى سنه

[روشا الفرفوشه]

ب15 جنية تقدري تعملى بريل فى البيت يكفيكى سنه
اية رايكم نوفر فى سعر بريل المواعين تعالو نشوف الطريقة
نروح محل المنظفات قوليلوه عايز مكونات البريل هيديكى
1 _ كيلو سلفونيك بس هاتى اللون الفاتح
2 _ بطاس قشور بنص جنية
3 _ لون زى ما تحبى اللون اللى يعجبك
4 _ ريحة اخترى الريحة اللى تعجبك
5 _ ورقة اختبار هاقولك بعدين نعمل بيه اية
6 _ كيس ملح ناعم
طريقة تحضيره
(1) اول حاجة حتجيبي جردل كبير من عندك حتملية ميه انا كان عندى جردل بتاع جبنة بيضا الكبير مخصصاة بس للصابون بصي يا قمر يعنى حطى حوالى 15 لتر ميه او 17 مش اكتر عشان ميبقاش خفيف والباقي شيلية لمرة تانية مش حيخسر اتفقنا
(2) خلاص جبتى الجردل ومليتة مية او حطيتيلة 17 لتر ميا حتجيبي بقا حاجة خشب عندك تقلبي بيها بشرط التقليب يكون فى اتجاة واحد فقط زى عقارب الساعة ، حتجيبي كيس الملح وتحطى تلتين الكيس وتشيلى التلت الى فاضل فضية فى الملاحة عادى
(3) بعدها حتجيبي البطاس لو كان سايب زى الكلور حتحطية عادى بس متحطيهوش كلة شيلي منة شوية على جمب حنحتاجهم بعدين وبعدها تقلبي فى اتجاة واحد زى عقارب الساعة زى ما اتفقنا ولو كان البطاس قشور يعنى بشكلة العادى اللى بنعرفة حتجيبي كباية بلاستيك تحطى فيها شوية مية صغيرة وتحطى فوقيها البطاس بس مش كلة بس خلى وشك بعيد وانتى بتحطية وسيبية واخرجى خمس دقايق يهدى وترجعى تقلبية وتفضية فوق الجرد وتقلبي زى ما اتفقنا بصي لو لقيتى المية سخنت سيبيها لحد ما تبرد خالص
(4) خلاص قلبتى البطاس كويس والمية بردت وكل حاجة حتجيبي بقا كيس السلفونيك وتخرمية حاجة صغيرة وتصبي وانتى وبتقلبي فى اتجاة واحد تصبيى وتقلبي لحد ما يتقل معاكى متفضليش تصبي وبس لا صبي وانتى وبتقلبي واركنى الكيس فى كباية وقلبي فى اتجاة واحد عشان منستهلكهوش كلة وتقلبي كويس لان كل ما تقلبي كل ما يتقل معاكى المهم حتفضلى تصبي وتقلبي لحد ما تلاقية تقل زى ما انتى عاوزة ، حتسيبية بقا يهدى اربع ساعات لو مستعجلة سيبية نص ساعة بس اما تسيبية اربع ساعات وترجعى تقلبي بيتقل اكتر والريحة فية بتظهر اكتر
(5) خلاص قلبيتة وتقل وكل حاجة هو كدة تقريبا اتعمل حتجيبي بقا ورقة الاختبار الى قلتلك عليها بصي متستعمليهاش كلها خليكي شاطرة قصي منها جزء رفيع خالص واستعملية انتى يدوب بتشوفي لون عشان اما تحتاجى تانى يكون عندك المهم حتجيبي ورقة الاختبار دة وتدخلى جزء منها فى البريل وخرجيها دخلى وخرجى علطول وشوفي لونها اية لو اداكى لون احمر يبيقي السلفونيك زيادة ومحتاج يتزود بطاس لو اداكى لو ازرق يبقي البطاس زيادة ومحتاج يتزود سلفونيك لو اداكى لون اصفر يبقي دة اتظبط يا ستى ومبروك عليكي البريل
(6) حنجيب بقا الون ونحط بشويش خالص يدوب شعرة عشان بيتقل يعنى مش حنحتاجة كلة حتحطى وتقلبي فى اتجاة واحد زى ما اتفقنا لحد ما الون يتظبط معاكى وبعدها تحطى الريحة وتقلبي زى ما اتعودنا

[Mary Naeem]

ربنا يبارك حياتك

[روشا الفرفوشه]

ميرسى على مشاركتك الجميله