صلاة نهاية عام لابونا داود لمعي
نشكرك يا رب على كل حاجة
على سترك وصبرك و طول اناتك ورحمتك ,,,,
اغفر لنا كثرة خطايانا يا رب , اللي عملناها طول السنة ,
فاكرينها أو ناسينها ,
بقصد أو من غير قصد ,
انزع مننا يا رب كل شهوة وكل خوف
انزع مننا الكلام غير اللائق , الإدانة والتذمر , والغضب
انزع مننا التعلق بالدنيا وخلينا نشتاق نيجي السما
قوينا على الناس اللي حوالينا , عشان نقدر نحبهم ,
يا من تحسن إلى الظالمين , علمنا نحسن إلى اللي بيضطهدونا
وصلنا يا رب لباب السما
اقفل في وشنا باب الجحيم وافتح قدامنا باب رحمتك
علمنا نصلي , علمنا نتوب , علمنا نشبع بيك , علمنا نتمثل بيك ,
اذكر يا رب اللي مالهمش حد يذكرهم ,
ارحم يا رب الكل لانك اله الكل
آمين
