حوار دار بين سنة 2011 و 2012
- فى يوم 31-12-2011م دار الحوار التالى بين2011 و2012
"2011": ياااة ..انا بقالى 365 يوم قاعدة على العرش دة .... طبعا انا الملكة...مع انى ...مع انى حاسة انى بضعف يوم عن يوم وصحتى بتنقص كل يوم...!
"2012"هاهاها...ما تقلقيش يا "2011"كلها كام ساعة وهتنزلى من على العرش.
"2011": انتى بتقولى اية...ازاى؟!
دة انا 2011 احسن ملكة قعدت على العرش .. ومحدش يقدر يستغنى عنى..
دة الناس كلها من 365 يوم احتفلوا بيا وبقدومى وقعدونى على العرش دة!!
"2012": ايوة...بس انتى خلاص انتهيتى وهتييجى ملكة جديدة غيرك تقعد على العرش.
"2011": ازاى الكلام دة؟؟...دة انا ...دة انا...دة انا حتى كنت ملكة سعيدة على ناس كتير!
"2012": بس للاسف كنتى حزينة على ناس اكتر..
"2011": لأ طبعا ...انا متأكدة انى كنت سعيدة بدليل ان فى فترة حكمى
... اطفال كتير اتولدوا وناس كتير اتجوزوا وناس كتير رجعوا لربنا...وناس
كتير لقيت الى هى عايزة .....وناس كتير كانت عيانة وربنا شفاها... وناس كتير دخلوا
السجن والمجتمع ارتاح من مشاكلهم وبقت الدنيا فى آمان 0
"2012": ايوة ... بس انتى ناسية ان كمان فى ناس ماتوا وازواج انفصلوا
عن بعض وناس كتير ضلوا ... وناس ملقيتش شغل وطلبة كتير سقطت وناس كتير مرضوا
وناس دخلوا السجون ظلم
"2011": يعنى فكرك الملكة الجديدة مش هيبقى عندها كل دة ؟؟
"2012": لالالا...الملكة الجديدة جاية ومعاها رسالة سلام... جاية
ومعاها بسمة على كل الوشوش...جاية ومعاها هدايا كتير لكل الناس...جاية
ومعاها التفاؤل فى الحياة ورجاءنا فى ربنا...والاهم من دة كلة انها جاية
ومعاها نونو صغير يتولد فى قلوب كل الناس من جديد..وهتحاول تصلح اللى انتى
مقدرتيش تعملية...وترجع الفرحة والامل للناس من جديد..هتخفف المرضى وترد
الضالين..هتنجح الطلبة وتهدى المسجونين...
"2011": وياترى بقى هى هتعمل دة كلة مقابل اية؟؟
"2012": مقابل ان كل واحد يحط حياتة بين ايدين ربنا يسوع ... ويطلب منه
انة يتولد فى قلبة بجد من جديد ويرشد حياته ويباركها...
"2011": ياااة...ياريتنى كنت عملت كدة من زمان..
"2012": احنا دلوقتى فى الى جاى ...لازم نبص للحياة بنظرة جديدة ومفرحة
ونرمى كل الى فات من احزان و منفتكروش ابداااا.
"2011": ياااة دى الساعة خلاص داخلة على 12..قوليلى بسرعة انتى مين
ومين هى الملكة الجديدة؟؟
"2012":الملكة الجديدة تبقى
"انا" "2012" الى هخلى الدنيا كلها مليانة محبة ورجاء....
"انا" "2012" الى ربنا بعتنى هنا وزود سنة كمان من عمر العالم علشان
يدينا كلنا فرصة جديدة للتوبة....
"انا" "2012"الى هحقق امنيات ناس كتير....
"انا" "2012" الى جوايا رسايل لناس كتير هوصلها لكل واحد....
"انا" "2012" الى هحاول ابقى احسن من السنين الى فاتت...الى اكلها الجراد ....
"انا" "2012" الى هجلس مكانك على العرش....
