" بِهِ تَفْرَحُ قُلوبُنا، وَعَلى اسْمِهِ القُدّوسِ تَوَكَّلْنا "
الزّوّادة اليوم من رسالة للبابا فرنسيس بتقول: بحياتك في كتير ناس، منن بيحبّوك وبيعنيلُن وجودك، وناس يمكن بيحبّوك أَقلّ بس هيدا مش سبب حتّى تزعل! رأي النّاس ما لازم يهمَّك وضروري تتذكَّر إِنّو السّعادة ما بتكون بِسَما بَلا غيوم، بِشِغِل بَلا تَعَب... سعادتك هيّي إِنَّك تلاقي القوّة تغفر، هيّي تلاقي الصّبر بِقَلِب المشاكل، هيّي تلاقي السّلام والأمان بقلب إِشيا بتخوّف، هيّي إِنَّك تعرف تحبّ بوقت كلّ شي عم يقلّك اكرهن ما بيستاهلوا... سعادتك ما بتكون إِنتَ وعم تضحك، سعادتك هيّي إِنّك ما تخلّي شي يمحيلك ياها للضّحكة، السّعادة مش وقت تعيش النّجاح، السّعادة هيّي إِنَّك تتعلّم من فشلك حتّى ما ترجع توقع فيه، السّعادة مش بس حدا يزقّفلك، السّعادة الحقيقيّة إِنَّك تعرف تفرح بس تشتغل وما حدا يشكرك.
الفرح هوّي إِنَّك تتلاقى بالرّبّ بكلّ شغلة بتصير معك وتعرف إِنّو إِيدو ماسكتلك إِيدك على طول، الفرح إِنّك تعرف تشكر الله على كلّ شروق شمس شو ما كان حامل معو النّهار من تعب. ما في فرح وسعادة حقيقيّين بعيد عن يسوع ...
صلاة للرّوح القدس
أيُّها الرّوح القُدُس، الرّبّ المحيي، قدِّس حياتنا بعناية الآب السّماويّ، وأنر عقولَنا بكَلِمة الإبن المتجسّد، وأضرم قلوبَنا بنارِ حُبِّك الإلهيّ. جدِّد فينا معموديّةَ الماءِ والرّوح، وقوِّنا لعيشِ معموديّةِ الموتِ والقيامة، فنَشهَدَ لِفرَحِ الإنجيل، ونشتاقَ للحياةِ الأبديّة، لك المجد والسُّجود والإكرام، من الآن وإلى الأبد، آمين.[/center][/i][/size][/font]
25 - 04 - 2019, 03:34 AM
رد: صلاة الصّباح وزوّادة اليوم.
العرض العادي
