الدكتورة سهام حسن تكتب ..نفسية طفلك

[Mary Naeem]

الدكتورة سهام حسن تكتب ..نفسية طفلك

أولياء أمور كتير ارسلوا ليا عن موضوع الأطفال أللي تم الاعتداء عليهم والتحرش بيهم في مدرسة %%% وللأسف دي مش أول مرة يحصل كدا في مدارس كتير وحضانات وأستغلال واضح للأطفال في سن الروضة بالتهديد مرة والترغيب مرة والناس عايزة تعرف تحمي اولادها ازاي خصوصاً بعد ما المدرسة نفسها عتمت ع الخبر وطلبوا من الأم التكتم عن الحادثة
frown رمز تعبيري

1- في البداية ياريت افهم كويس ان توعية الطفل مش قلة أدب ولا أنا بفتح عينه ولا هو عيب متتكلمش الكلام العيب دا فالطفل وقتها لو حصله حاجة لا قدر الله بيسكت لانه فاهم انه عيب
2- لازم اقرب من ابني واتابع معاه تفاصيل يومه في المدرسة لو رجع معيط او منطوي وعايز ينام وخايف اي حد يقرب منه لازم اسأله أو حاجة تتسأل في حد ضيقك في حد عملك حاجة
3- لو ابني بدء يجيله اضطرابات نوم ويصرخ بدون سبب وهو نايم فقد شهيته للأكل وبدء يعيط لو سألتيه عن شخص معين أو يقولك مش بحبه مش عايز اشوفه مش عايز اروح الحضانة أو المدرسة لازم اقلق
4- لو الطفل بدء يحصله تبول لا ارداي أو التهابات في الأماكن الحساسة او لاحظتي ورم او اثر لخرابيش او بدء يلمس الأماكن الحساسة بشكل مفرط ويردد كلمات سيئة
5- لو ابنك لمح لمواضيع ان فيه سر بينه وبين شخص معين وبدء يجبله ألعاب وحلويات كتير جدا ويقولك عمو او طنط قالتلي مقولش لماما عن السر الكبير أللي بينا
>> كل دي خطوط حمراء .. جرس انذار لازم اقـــــــلــق
في نصائح لازم نعملها عشان نعلم أولادنا أزاي يحموا نفسهم :
1- امنع ابني من خلع ملابسه أدام أي حد عشان يتعلم الخصوصية ولا حد يطلب منه يخلع ملابسه
2- أقفل باب الحمام ومسمحش لحد يدخل معاايا الحمام ولو في حد كبير استني يخرج وادخل بعده ولو اصر يكون معايا ارجع ابلغ المس بتاعتي
3-عدم الاستحمام مع اي شخص عشان يفهم ان في حدود ومسافة بينه وبين أي شخص لازم احفظ عليها واحترمها
4-عدم النوم فى فراش واحد مع أحد مهما كان .. مهما كااااااااااان
5-عدم الجلوس على رجل أحد أو الوقوف بين قدميه وعدم التقبيل من الفم ابداااا ولا حتي علي سبيل التدليل
6-توعية الطفل علي ان يفرق بين اللمسة الكويسة واللمسة السيئة لأماكن معينة في الجسم
7-عدم زغزغة الطفل وتدليكه فى أماكن العوره خاصة عند وضع زيت الأطفال أو البيبى لوشن عند الغيار حتي لا يعمم ذلك في ذهنه وعندما يفعل غريب ذلك التصرف يراه انه عادي ويستمتع به
8-عدم منح الثقه المطلقه للمحارم وأطفال العائله والأصدقاء والمعلمين والمشرفين في الباصات والمدربين في النادي
9-عدم تناول شئ من الغرباء ابدا علي سبيل الحلويات أو الأدوية أو العصائر
10-عدم فتح الباب لأي أحد طول ما الطفل في البيت بمفرده .
11-لا تجبرى الطفل على ةقبيل أحد أو حضنه واحترمى رغبته فى ذلك حتى لا يعتاد
12-عدم الاستسلام اذا تعرض لتحرش لا قدر الله أو اذا حاول احدهم الاعتداء عليهم يجب أن يصرخ ويدافع عن نفسه ويضرب ويجري ويستعين بأقرب شخص ويبلغه حتي يصل إليكي ويعرفك ماذا حدث له .
13-يسمع كلام الكبار فى حدود تخصصهم مثلا المدرس فى عمل الواجب وبالنسبة للسواق الباص يستمع لكلامه فى أساليب الحمايه والركوب والنزول بخلاف ذلك لاأ
14- اجيب عروسة أو صورة ولد أو بنت حسب نوع طفلك وأشرحله عليه الأماكن الخاصة أللي يمنفعش حد يلمسني فيها .
15-علمي طفلك ان لا يقبل صداقة احد في لعبة ما او طلب صداقة مواقع التواصل الاجتماعي وأذا راسلة احد وبعث إليه برسالة خليعة يغلق النت ويخبركم بما حدث
16-عودي طفلك على كلمة سر بينكم فقط لأن هناك أطفال يختلط عليهم الأمر فى الأماكن العامه ويذهب الى اخرى ترتدى نفس الملابس وانه لا يذهب مع أي شخص يدعى انك أو أباه ارسلتيه ليأخذه

اذا أتي طفك يشكوا إليك لا قدر الله اعتداء وقع عليه يجب أن تحتوي الموقف وتطمأنيه ويراك بالفعل تتجاوبي معه وتصري علي عقاب المجرم حتي يكون عبره ولا يكرر فعلته مع أحد غير ابنك .. لا تتعاملي مع الطفل أنه المذنب لأن ابنك هو ضحية شخص عديم الضمير مضطرب نفسياً وضحيتك أيضاً لعدم توعيته وإرشاده بما عليه أن يفعل ليحمي نفسه
ربنا يحمي كل أولادنا ويبعد عنهم كل شر وأذي ودي صور كرتون فرجوها لأولادكم وأحكيلهم أزاي يحموا نفسهم من خلالها