|
 |
 |
 |
|
رقم المشاركة : ( 1 )
28 - 08 - 2016, 09:00 PM
|
|||||||||||
|
|||||||||||
 ازاى بتمسكى اعصابك لما الطفل يعمل مصيبة ؟؟ اليكم بعض النقاط الهامة : 1- لأن لو فكرنا فعلا فى أصل المصيبة هنلاقى اننا سببها 100% مش الطفل ! - طفلك بوظ موبايلك او لاب توبك ؟ انتى سيبتيه فى متناول ايده ! - طفلك قطع أوراقك المهمة ؟؟ ... انتى ما حفظتيش الاوراق فى مكان أمين ! الطفل اللى يادوب بيعرف يتكلم ، أكيد مش هايفهم ان اللاب توب ده غالى ولا ان الورق ده مهم ، كل حاجة فى البيت حواليه عبارة عن كنز قابل للإستكشاف و اللعب . " مش عايزة مصايب ... يبقى شيلى مصادر المصايب من قدام الطفل " 2- لأن لو فكرنا شوية فى المصيبة الى حصلت ، ممكن نكتشف ان الطفل مش قاصد انه يعمل كده ! - الطفل كان بيحاول يشيل كوباية المية يشرب منها زى الكبار ، غصب عنه وقعت اتكسرت . - الطفل كان بيحاول ياكل لوحده زى الكبار ، غصب عنه بهدل الدنيا . " فى الحالة دى ، مفروض نشجعه و نعلمه و نديله الفرصة انه يكرر الفعل ده عشان يتقنه ، مش نزعق له و نتوعد و نهدد عشان يخاف يجرب حاجة تانى فى حياته " 3- لأن زى ما الطفل ممكن يؤذى بيئة الكبار بتاعتنا ، فالبيئة بتاعتنا دى هى كمان بتؤذيه ! - الطفل مش قادر يتحكم فى حركاته لأن كل حاجة حواليه أكبر من حجمه أضعاف ! تخيل نفسك بتشرب شوربة بمغرفة الطعام الكبيرة ... هاتقدر تتحكم فيها بسهولة ؟! - الطفل مش قادر يتمتع بالحرية اللى مفروض يمتلكها فى استكشاف العالم الجديد اللى لقى نفسه فيه ! كل حاجة ممنوع اللمس و الاقتراب ، كائنات ضعف حجمه بتيجى تصرخ فى وشه و احيانا تؤذيه و تؤلمه بدنيا و نفسيا ... ايه الحياة البائسة دى ؟!! " وفرى لطفلك بيئة و أنشطة ملائمة لتطوره العقلى و الجسدى ، عشان يقدر يطور تحكمه الحركى و بالتالى يقدر يتمتع بالحرية اللى عايزها و يكون طفل سعيد " أخيرا ... لازم تفهموا ان مفيش طفل شرير و لا طفل مستفز و لا طفل رخم و لا الكلام ده خالص ... أى صفة بتظهر فى شخصية الطفل فهى بسببكم انتم فى المرتبة الأولى ... انتو بتزرعوا فى الطفل و بتحصدوا ثمرة تعبكم اللى هايجتهد و يراعى نبتته كويس ، هايحصد ثمرة حلوة و اللى هايسيب النبتة تكبر بالبركة و زى ما تيجى تيجى ، ما يزعلش لما يحصد ثمرة معطوبة متفقين ؟؟ 
|
|
29 - 08 - 2016, 01:00 PM
|
رقم المشاركة : ( 3 ) | ||||
|
† Admin Woman †
|
رد: أمسكى اعصابك لما طفلك يعمل مصيبة ؟؟
مشاركة جميلة جدا ربنا يبارك حياتك |
||||
|
|
|
29 - 08 - 2016, 02:56 PM
|
رقم المشاركة : ( 4 ) | ||||
|
..::| الإدارة العامة |::..
|
رد: أمسكى اعصابك لما طفلك يعمل مصيبة ؟؟
مينا
مارى ميرسي كتير على مروركم الغالى |
||||
|
|
|
30 - 08 - 2016, 10:29 AM
|
رقم المشاركة : ( 5 ) | ||||
|
..::| الاشراف العام |::..
|
رد: أمسكى اعصابك لما طفلك يعمل مصيبة ؟؟
موضوع مهم جدااااااااااااااااااااااااا ربنا يبارك تعب محبتك |
||||
|
|
|
31 - 08 - 2016, 08:55 AM
|
رقم المشاركة : ( 6 ) | ||||
|
..::| الإدارة العامة |::..
|
رد: أمسكى اعصابك لما طفلك يعمل مصيبة ؟؟
ميرسي على مرورك الغالى رينا
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| سُرّ الملك أن يُكرمه، مُكتسيًا بلباس ملَكي |
| سفر حزقيال 27: 29 و كل ممسكي المجذاف و الملاحون |
| يا طفلتى أمسكى يدى |
| علمي طفلك يعمل ساعة |
| النوم بغرفة مستقلة يعلم طفلك الثقة بالنفس |
العرض العادي
