ايهما أكثر الما قسوة الانسان ام قسوة الحياة

[Mary Naeem]

ايهما أكثر الما قسوة الانسان ام قسوة الحياة


امبارح باليل في اشارة سيتي ستارز جمعني الكلام مع ولد صغير من اللي بيسترزقوا من تنظيف ازاز العربية ومن ضمن الكلام قالي ان المدرسة بتاعته اديته جواب و قالتله لازم باباه يمضيه ورد عليها انه معندوش بابا زي بقية الأولاد راحوا قالوله يبقي لازم و حتما ان مامته هي اللى تمضيه يا اما مايجيش المدرسة بس قاللي ان مامته مبتعرفش تكتب و تقراء و أكيد عارف انهم مش هايصدقوه ... أحيانا كثيييير أوي بنقسوا علي الأولاد و البنات دول من غير مانقدر اي ظروف بيعيشوها ..
والمعيب ان الدولة مدياهم لقب او تعريف " أطفال الشوارع " صدقوني نفسي المسئول أو المسئولة اللي طلع اللقب ده نجيب أولاده أو أحفاده قدامه و حد يناديه...م يا أطفال الشوارع ..
من كام سنة جمعني مشوار مع احدي المكرسات و اللي هي أخصائية اجتماعية في نفس الوقت ل أحدي المؤسسات الاجتماعية لرعاية و تأهيل الأولاد دول و كان الوقت باليل و في الشتاء لقيتهم حالقينلهم زيرو بغشومية ولاأدمية مش بس كده كانوا مخلينهم يمسحوا السلالم باليل بالمية الساقعة و في عز البرد كنوع من العقاب ..
عشان كده نفسي منكونش اكثر قسوة من الحياة عليهم أو اي حد محتاج يعني ميجيش حاجة لو الواحد فينا حط كيس حلويات حتي من الرخيصة و اداهم منه و لو كنت هاتدي فلوس فانت مجرد اداة توصيل ربنا استخدمها في الوقت ده لسد احتياج حد و متنساش تدي و أنت مبتسم " لان المعطي المسرور يحبه الرب " و كمان علشان الناس دي مش كل احتياجها مادي ممكن بابتسامتك يحس بأدميته و ذاته و الأطمئنان المفقود من قسوة الحياة ..
اما الأجمل ان يكون عطائك كمان انك تدعيله زي ماهو من قلبه أو قلبها بتدعيلك و متنساش قبل ماتنام تذكرهم في صلاتك " يارب فلان و فلانة اللي قابلتهم النهاردة و كانوا محتاجين اعطهم سؤل قلبهم .. أمين
أوعي تكون/ي في يوم من الأيام أقسي و أكثر الما من الحياة

[Rena Jesus]

كلامك صح جدااااااااااااااااااااااااا
ميرسى ربنا يباركك

[Mary Naeem]

شكرا على المرور

[Hany Meshel]

مشاركة اكتر من رائعة
يا مارى

[Mary Naeem]

شكرا على المرور