|
 |
 |
 |
|
رقم المشاركة : ( 1 )
01 - 02 - 2022, 09:44 AM
|
|||||||||||
|
|||||||||||
 هدف ابليس اللي بشوفه بيشتغل عليه بكل قوة الايام دي هي كسر الهوية .. يكون الانسان ريشة في مهب ريح بلا هوية . بلا هوية جنسية براحتك عايز تكون ذكر او انثي او بين البينين .. عايز تمارس الجنس بأي طريقة و بأي شكل و مع اي نوع دي حريتك الشخصية . بلا هوية أسرية ارفض الزواج و لو اتجوزت عادي انفصل و طلق في اي وقت .. و لو حسيت ان شريك حياتك مش عاجبك دور برة يمين و شمال و عيش مع اللي يعجبك . بلا هوية دينية لم شوية افكار من الشرق و من الغرب و نفذ اللي يعجبك منهم مع كلمتين حلوين عن المسيح و زي الفل . بلا هوية أخلاقية ما يحلو لك اعمله ده حقك و دي حريتك .. انت مش بتؤذي حد يبقي اعمل كل اللي انت عايزه و سيبك من الثوابت و القواعد دي كلها حاجات رجعية .. حتي لو هتعرف واحدة علي جوزها او واحد علي مراته وايه المشكلة طالما بموافقتكم . بلا هوية عائلية مش مهم الدفا و المشاركات الجماعية و جو العيلة و الصداقات مع الناس و الجسد الواحد اللي فيه حب و مشاركة واعتراف و ود .. عيش حياتك متعرفش حاجة عن حد و لا حد يعرف حاجة عنك . كل دي هويات ابليس بيعمل جاهدا من خلال الميديا ومن خلال كل شئ انه يكسرها .. اما المسيح بيعمل عكس ده بيعمل علي استرداد الهوية للانسان حتي لو الانسان شاف ان ده مش حرية او تضييق لكن ده بيساعده يسترد إنسانيته الحقيقية و يعيش ذو قيمة حقيقية . و لما بييجي يعلم عن الحريات و عن قبول الاختلاف بيكون بإتزان ووازن التعاليم علي ميزان من دهب .. بدون ما يكسر اي هوية انسانية او قواعد اخلاقية . ياريت نعرف نميز الفرق .. علشان منحكمش علي حد صح انه غلط .. او نحكم علي الغلط انه صح . 
|
|
العرض الشجري