الواد عنيف ليه يا ابراهيم؟

[Rena Jesus]

- تخيل يا إبراهيم..
تخيل الواد حسام إبني إللي لسه ماكملش ٧ سنين مسك ثبّت أمه بسكينة المطبخ إمبارح!

• يا ساتر يا رب. ودا من إيه؟

- كل دا عشان كان عايزها تعملله براونيز وماكنتش فاضية.
شفت الدنيا جرا فيها إيه.
وللا الأسبوع اللي فات لما رجع من عند إبن الجيران صديقه بحتة من ودانه.

• إيه!!

- آه والله زي مابقولك كده. الواد ماستحملش ان صاحبه يغلبه في البلاي ستيشين .
قام مطلع السويز نايف من جيبه وشق ودن الواد نصين و النص اللي قطعه إحتفظ بيه عشان يبقي يذله بيه لما يكبر.

• يا ساتر يا رب ..لا دانتا لازم تعرضه على دكتور نفسي بسرعة .

- مانا للأسف عملت كده.

• للأسف!!

- آه للأسف. ما الموضوع دا خسرني تحويشة العمر.

• إزاي؟

- إضطريت أجدد للدكتور عيادته بعد ما حسام ولع فيها. .
انا غلبت مع الولد ده مش عارف اعمل معاه ايه ..
مع اني عمري ما زعقت له او ضربته او عاملته بعنف ..
مش عارف طالع كده ازاي !!

* بابااااا

- أيوة يا حسام يا حبيبي. عيون بابا

* خد التابلت ووريني إزاي أقدر أعدي الليڨل دا في الجيم.

- هات يا حبيبي. انت بتلعب إيه؟

* بلعب gta

- آه طب بص الحتة دي عشان تعديها لازم تستخدم المنشار الكهربائي.
بص يا حبيبي تمسك المنشار وتجري عالناس اللي قاعدين عالبحر دول..
أيوة كدا. خرط أبوهم بقا...
شاطر حبيب بابا يللا كمل عليهم بالنابلم. ..
طلع الرشاش بسرعة عشان اللي جايين من هناك دول ..
ايوه كده شاطر يا حبيبي ..

- كنا بنقول إيه يا إبراهيم؟؟ إبراهيم !! انت روحت فين يا إبراهيم؟!

ابراهيم_فين؟
الواد_عنيف_ليه_يا_ابراهيم؟

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى

[walaa farouk]

ميرسى على مشاركتك الجميلة رينا

[Rena Jesus]

ميرسى لمرورك الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى