مجموعة معجزات لابونا عبد المسيح المناهري (المقاري)

[Marina Greiss]

(1)
قبل يوم 2003-7-20 كانت زوجتي حامل في حملها الثاني بعد ان اعطاني الله طفلة وكان عمرها ثلاث سنوات وجاء وقت الولادة مع العلم ان الولادة الاولي تمت بعمليه قيصريه وبعد الكشف علي زوجتي اكد الكتور مراد سامي بابو قرقاص البلد محافظة المنيا بان الولادة ستكون قيصرية .

المهم ربنا وقف معانا وعملنا العمليه والحمد للة . ورزقنا ربنا بطفل جميل اسميناة عبد المسيح , وفي الشهادة : جورج

وبعد العمليه بست ايام اليوم اللي مقرر فيه فك السلك بتاع العمليه. كانت زوجتي تتالم كثيرا. المهم عند الكشف وجدنا جزء كبير ازرق اللون اسفل البطن. وعند مراجعة الدكتور قال: ده من الدهان اللي دهنا بيه قبل العمليه. وده بياخد وقت وبيروح. المهم بعد فك السلك بيومين تعبت زوجتي جداجدا. 1هبنا للدكتور مراد

فقال: دى لازم تعمل عمليه تاني وبسرعه

علشان تقريبا الجرح عمل صديد. عملنا العمليه التانيه وخرج من بطنها حوالي عشره كيلو صديد ودم فاسد . وركب لها خرطوم في جانب بطنها. ومع ذلك لم يتوقف

الصديد عن نفخ بطنها. وهى كانت في حاله ميئوس منها. وذهبنا بيها للدكتور اكتر من عشرين مره لشفط السوائل والصديد المتراكم في بطنهااللي معرفناش سسبه ايه المهم فشلت كل محاولات الدكتور مراد.

ذهبنا بيها لدكتور تاني فقال : دى يا جماعة عايزه عمليه تاني . في الوقت ده كان مرحوالي 15يوم علي عمليه الولادة.

المولود حالته تعبانه جدا مفيش رضاعه من الام . فكرنا في عمل العمليه التالته للام

ولكن لم نقل لها علشان هي كانت في حاله سيئه

وبعد كده ذهبنا للبيت وهي نامت من التعب .

وفى هذة الاثناء مر من امام البيت رجل عجوز يمسك بعصا في يده وطلب المساعده ونظر اليها وهي نايمه وقل لها متخافيش انتي مش هاتعملي عمليه تاني ردت امها وقلت له يارب ياعمي دي هاتموت منناوفي لحظه اختفي هذا الرجل .

في هذة الاثناء كانت زوجتي نعسانه وراءت ابونا عبد المسيح المناهري في حلم وقالها : متخافيش انتي مش هاتعملي عمليه تاني . قامت من النوم بتحكي لامها الحلم وامها حكت لها عن الرجل اللي عدي عليهم من شوية وهنا اتكدنا ان ربنا عمل العجزه بشفاعة ابونا عبد المسيح المناهري شفاعته تكون معنا جميعا

امين

(2)

أرجوك ياأبونا عبدالمسيح ياحبيبى من أجل الست العذراء تسامحنى على التأخير

أنا لى أبن اسمه " مينا " وهو سنه سنتين حدث معه أحتباس فى البول وكان الولد مش قادر يستحمل . وعرضناه على دكتور وأعطاه علاج . لكن الولد لم يتحسن . عرضناه على دكتور أخر أستاذ فى المسالك البوليه فطلب آشعه تليفزونيه وفعلا عملنا آشعة وأتضح أن فى أثنين حصوة فى المسانة وكانوا ظاهرين جدا فى الآشعة .

وعرضنا الآشعة على الدكتور وقال ليس هناك حل سوى عملية جراحية . وبكينا أنا وأمه حين سماع الخبر . والدكتور قال فيه جهاز منظار للأطفال موجود فى مستشفى عين شمس التخصصى ولكن لم يتم تشغيله للأن وقال أما عملية جراحية بفتح المثانة أو ننتظر تشغيل جهاز المنظار .

وكانت حالتنا ليرثى لها من الحزن . وقلت لزوجتى أحنا مالناش غير أمنا العذراء الحنونة وهى اللى دايما تتشفع لينا وبتسمع طلبتنا وأبونا عبدالمسيح المناهرى

وكان عندنا كتاب معجزات أبونا الحنين عبد المسيح . فوضعنا الكتاب بعد قرائتة وضعناه أسفل المخدة على سرير مينا .

ووقفنا نصلى للرب يسوع نتشفع بأمنا العذراء وابونا عبد المسيح أنه يشفى مينا أبنه وكان عندى أيمان قوى أن ربنا هايتمجد مع أبنه ومش هايسمح أنه يتألم .

وثانى يوم الولد كان حالته مستقرة . وكان المفروض نذهب للدكتور علشان نحجز للعمليه . وطلبت زوجتى نزهب للدكتور فقلتلها ننتظر لأن أنا واثق أن عمل الله سيتم . وأنتظرنا يوم أخر وأتحسنت حالته أكثر وأصبح يعمل الحمام أحسن

فذهبنا الى دكتور الآشعة لعمل آشعة ثانية وكان بين الآشعتين أسبوع . وبعد عمل آشعة بالتدقيق لم يجد دكتور الآشعة آى آثر للحصوات وكان يبحث بالآشعة فى جميع أنحاء الجهاز البولى والمثانة والكلى . وقال الدكتور أنه لا يوجد به أى شئ . وبعد أن أظهرنا له الآشعة الأولى فوجئ وقال أن هذه الحصوات لايمكن أن تنزل بدون عمليه فقلنا له أنها معجزة من عند الله " الدكتور كان غير مسيحى "

وفرحنا جدا وشكرنا الرب يسوع وأمنا الحنون العذراء مريم شفيعتنا وشفيعة أبونا القديس العظيم عبد المسيح المناهرى . ونذرنا له نذر ولكن لظروف مالية لم نسدده للأن وهذه أول مرة أنشر هذه المعجزة . وأيضا فى حياتنا اليوميه نمر بمعجزات كثيرة وتحل البركة فى حياتنا وذلك لمحبة السيد المسيح لنا على الرغم أنى غير مستحق لكنه حنين جدا .

نشكر الرب كثيرا كل حين .

آمين

(3)

عشان خاطر العدراء سامحني علي تأخير الكتابة

أنا عندي بنت صغيري عمرها ساعة المعجزة سنتين وكانت بتشتكي من دم في البول وأحتباس وبالكشف وبمتابعة المستشفي الدقيق لاننا في الخارج كان الرد فعلا بنحباس الانفاس في كل مكالمة وفي كل مقابلة مع المعمل وتقارير البروفسر والكشف علي مجري البول في أول تقرير أتضح أن من الولادة أنه في حالب مع كليي أصغر من الاخري وكان المتضح من كلام البروفسر قال العلاج بمضاد حيوي لمدة 3 سنوات حتي تتسع مجري البول ويبقي طبيعي ولو لزم الامر لعملية فمحتمل أجرائها وللعلم أن في كل شهر من الانتظار والمتابعة قالوا في أي حالة سخونة طارئة لازم تحجز علي الفور في المستشفي ولكن بالتشفع بأبونا القديس أبونا عبد المسيح وبشفاعة العدراء أم النور وبكل القديسين حتي يرفع الالم عن أبنتي الصغيرة فجأة رد من الممرضة علي في التليفون بأن الاستاذ فحص الموضوع وقال بعد الاشعة الثانية قال لا داعي للقلق وبأن الحالة لا تحتاج لأٍى من المضاد الحيوي أو العملية المؤجلة لأن الحال أصبح طبيعي وده كلام من أكثر من دكتور حتي دكتور الاطفال كان أصله عربي مسلم وقلت له عارف يادكتور المعجزات لسه موجودة حتي الان وأن البنت أصبحت كويسة تماما ولا تعاودها أعرض السخونة والالم , والأن بعد مدي عام ونصف أكتب الرسالة الان بكل ثقة في الرب وحبيبة أبونا القديس أبونا عبد المسيح وبركته معنا ولأن في أشياء حصلت كثيرة وببركة الصلوات عددة بخير ولكن لما أفتكرت أني لم أرسل الرسالة قلته يا أبونا هرسلها لأن لي أبن في سن ال 8 سنين شقي كثيرا حتي واحنا في أحضان الدير وبالمساعدات التي تقدمها كل عائلة مصريه لدير الانبا أنطونيوس في النمسا وبأشراف الانبا جبريل أسقف النمسا حصل لأبني موقفين مري كسر في يده اليسرى ومرة حرق في يده اليمني علي علامة الصليب وكان الشيطان يضايقني لأن حبنا للكنيسة وللدير أكثر من أي شئ وكل ما أفتكر في مدة شهر يحصل كل ده ومشاكل مع الزوج أيضا بسبب الشغل والعمل في مكانه الجديد أقول يارب عدي الامور وأقولك يا أبونا ما تنساش بنحبك يا أبونا عبد المسيح ببركتك تكون معانا وبحبك تملانا, أولادك في النمسا (م,ن,ر,م,س) أحفظهم وباركهم وساعدهم أمين

(4)

فى امتحانات الاعددية طلبت من زوج اختى قلم ابونا عبد المسيح وكان علية امتحان الانجليزى وكنت مش مزكر كلمة ويشاء القد انا المدرس انا كنت بخذ معاة درس كان مش من المدرسة ووقف علية فى الجنا وسبنى انا وصحابى نحل مع بعض والحمد للة نقصت 3 درجات فقط

(5)

منذ خمس سنوات ذهبت انا وافراد اسرتى الى دير ابونا عبد المسيح وبارغم من بساطة هذا الدير الا كنت اشعر فية بالروحانية وقوة هذا القديس فية
والمعجزة هى ..
فى دير ابونا عبد المسيح كنيسة صغيرة فى نهايتها صورة لابونا عبد الميح وهو محنى راسة مثل الصورة الموجودة فى الموقع
وهذة الصورة لم يتضح فيها عين ابوناعبد المسيح وبالرغم من ذلك حدث انة عندما كنت واقفة اصلى انا وكل من حولى امام الصورة لنتشفع بة الا وقد رأيت شئ لم تصدقة عين وهوعين ابونا عبد المسيح تفتح وتغلق اكثر من خمس مرات وقد رأيتة انا وكل من حولى وقد قام الشعب بالهتافات والزغاريت مسبحين وطالبين تشفعاتة
اخى ... امن عند وقوفك امام صورة قديس ان هذة الصورة حية ليست مجرد صورة
بركة القديس ابونا عبد المسيح تكون معنا جميعأ امين

(6)


المعجزة دى اى حد يقراها يفتكرانها بسيطة لكن عظيمة فى معناها كنت فى دير ابونا عبد المسيح اشتريت قلم مرسوم علية ابونا عبد المسيح القلم دة معايا من ثلاث سنين رحت الشغل ومعايا القلم واحد زميلى سرق القلم بحثت كثيرا ولم اجدة وبعد شوية اعطانى زميلى القلم واخر النهار ضاع القلم منى ولم اجدة معنى هزا انالقلم كان معايا فى العمل حزنت على هزا القلم كثيرا وبعد ايام كنت ابحث عن شى فى درج فى غرفة النوم وجدت القلم فى الدرج وانامرجعتش بالقلم من العمل شفاعتة تكون معانا امين

(7)
انا معايادبلوم صنايع من وزارة الاكهرباوكان المفروض ان كل الدفعة تتعين بعد الدبلوم فورا لكن ثلاثة فقط لم يتم تعيينهم وهم مسحيين وانا واحد من الثلاثةومر خمس سنين طلبت شفاعة ابونا عبد المسيح وبعدها بكام يوم رجع والدى من العمل وقلى عايزينك علشان تتعين قولت ازاى قالو ان كمال الشازلى بعت 20 اسم علشان يتعينو وانا كنت من ضمن ال20 اسم ملحوظة انا معرفش كمال الشازلى لكن اعرف ابوناعبد المسيح

(8)

لقد حدث في سنه 1995 انني اصبت بحساسيه صدر شديدة في الصدر ناتج تعرضي لنزله برد واستهنت بها
فكنت اذهب لدكتور امراض صدريه واخذ بخاختين لانه الحاله عندي كانت شديدة وكان يلازمها التهاب في اللوز شديد فكنت اذهب لدكتور صدر وانف واذن تقريبا مرة في الشهر فجدث في سنه 1997 ذادت عليا
اللوز ورحت لاربع دكاترة فقرروا لازم اعمل عمليه لوز ضروري ولا ينفع التاجيل فقلت اروح مصر اعمل العمليه هناك افضل والصدفه عرفت من احد الاصدقاء بان الشال بتتاع ابونا عبد المسيح المناهري موجود عند الاستاد مختار بسمالوط فقلت اذهب اخذ بركه الشال قبل الذهاب الي مصر وفعلا ذهبت واخذت بركه الشال واصرفت ذاهبا الي مصر ورحت للدكتور فقال تعمل عمليه اللوز ضروري سواء هنا او في بلدكم المهم ضروري عمل العمليه لاني اللوز ملتهبه وتتكرر كل شهر مرة فاجذت العلاج وسافرت البلد ونسيت موضوع اللوز وموضوع حساسيه الصدر الي ان جاء بوم بعد قرابه سنه حيث اصبت بشويه برد فرحت للدكتور وقلت له علي موضوع حساسيه الصدر وانني كنت باخذ بخاختين فقال لي بالحرف الواحد صدرك لا يوجد فيه اي حساسه صدر علي الاطلاق والمفروض تعمل تمجيد لابونا عبد المسيح المناهري كل يوم لان الحساسيه لاتذهب من الانسان طوال عمرة
فاشكر ربنا والهنا وخلصنا يسوع المسيح وابونا القديس العظيم عبد السيج المناهري علي عظم محبته وتحننه عليا من مرض لا اقدر علي وصفه من متاعب وايضا من عمليه اللوز حيث شفاني ايضا من اللوز ايضا ونشكر الرب حتي الان بصحه جيدة ونشكر الرب يسوع المسيح

(9)

قام زوجى وجيه فايق داود باجراء عملية تغيير الصمام الاورطى بسبب وجود حمى روماتيزمية منذ الصغر- و حدث بعد 3 شهور وجود ارتشاح حول القلب و كان ذلك عام 1996 -ففضل الدكتور محمد احمد صبحى اجراء جراحة لبذل المياه بدل الشفط لمنع تكرار الارتشاح - و للأسف تكرر الارتشاح بشكل مخيف بدون اسباب طبية سوى انه فيروس
فى الغشاء التمور حول القلب - و مرة اخرى
اوصى دكتور صبحى باجراء جراحة للمرة الثالثة فى فترة لا تتعدى 6 شهور منذ اجراء العملية و لأن عملية البذل كان اصعب من الجراحة الاولى والآمها مبرحة فقد
اصر زوجى على رفض الجراحة تماما-ووصل الامران عضلة القلب كادت ان تفشل بسبب المياه حولهامع اصابته بحالة اختناق-وارسلنا التقارير الطبية بالاشعات لامريكا
لاقاربه و لكندا ايضا-وكان رأيهم سرعة اجراء الجراحة و الا الوفاةلان العلاج بالكورتيزون المكثف اثبت فشله التام معه
و تصادف وجود رحلة لكنيسة ابونا عبد المسيج المناهرى و اشترك زوجى و هو فى حالةانهيار تام لاحساسه بأنها النهاية و كان يبكى طوال الرحلة و فى داخل الكنيسة
وضعوا له الشال -ورجع و هو يائس ووافق على اجراء الجراحة-و ذهبنا لدكتور صبحى
لعمل echo على القلب للمرة الاخيرة لتحديد الحالة قبل العملية-وكانت المعجزة التى عجز الطب عن تبريرها فقد وجدان المياه وصلت ل15% بعد ان كانت 75%
و اوقف الجهاز و اعاد الفحص لشكه فيما يرى و بعد التكرار و ثبات النتيجة وقف الدكتور
مذهولا و قال لنا دى معجزة بكل المقاييس
و انا مش مصدق - و طلب معاودة الecho كل
10 ايام للتأكد - والشكر لك يا الهى و لقديسك ابونا عبد المسيح الذى بشفاعته
ثبتت نسبة المياه حول القلب الى 5% الى الان و لم تتكرر طوال هذه السنوات و اصبح
ابونا عبد المسيح هو شفيعنا بعد السيدة العذراء كاملة الطهر
(10)

ابنى يملك بوتيك و دخل شخص للشراء و كان ابنى يضع الموبيل على مكتب و عندما توجة لاحضار ما طلبة الزبون وجدة يخرج مسرعا و يجرى و اندهش ابنى و نظر لم يجد الموبيل و خرج ليلحق بة فلم يجدة و كان يوجد على المكتب كتاب ابونا عبد المسيح لمعجزاتة و اخبرنى بما حدث و صرخت لابونا كيفيحدث و انت موجود وطلبت منة احضار الحرامى امام ابنى و يعيد لة الموبيل و قلت لة لا اعرف كيف و بعد يومين قال لى ابنىانا رايح الكنيسة لحضور الاجتماع و عند رجوعة للمنزل قال لقد وجدت اللص قلت كيف هل تتدكر شكلة قال لا و لكن ما حدث اننى رايت شابا يجلس على سور البحر امام الكنيسة و وجدت شيا فى داخلى يقول هو دة اللص و امسكت بة و معى صديقى و طالبتة بالموبيل فانكر و اخدتة لقسم الشرطة و هو يسير بدون مقاومةو فى القسم تبين انة مجند فى الجيش وعندما هددة مامور القسم بتسليمة للشرطة العسكرية اقر بسرقة الموبيل و اعادتة على ان اتنازل عن المحضر و عندما تسلمت الموبيل اللى كان شايلة فى بيتة قال لى لا اعرف اية اللى جابنى فى المكان دة و كان فية حاجة مكتفانى بركة صلواتة و شفاعتة

(11)

كنت وقتها فى الدبلوم وكان وقت المعجزة ليلة عيد الميلادوكانت خطوبة صديقتى يوم العيد وكانت عزمانى على الخطوبة ولان ولدى صعب الطباع ومش بيسمحلى اخرج لوحدى او اروح عند اى حد ميعرفهوش معرفة شخصية اعتزرت ليها لكنها اسرت وقلتلى انها سوف ترسل لى خالها بالعربة لياخذنى انا واثنتان من صديقاتى فى الفصل وقلتى لو كنتى مش حتقدرى تيجى اتصلى بيا لاننا اخدنا اجازة قبلها لان كان يوجد عيد الاخوة المسلمين ولكن والدى اسر على الرفض واسر بالاكثر بعدم الاتصال بالتلفون وقال لما حيروحو ولم يجدوكى حيمشوا لكنى كان من اللزم الاعتزار لصديقتى وققرت الاتصال من الخارج حتى ارضى صديقتى وفى نفس الوقت ارضى ابى وعلم ابى انى اتصلت من الخارج فسار بشدة وقرر حرمانىمن الفسحة فى العيد وكان يوم نكد وحزن بنسبة لىولكنى طلبت شفاعة ابونا عبد المسيح ليحل المشكلة ويكون احسن عيد وبالفعل حدثت المعجزة وتنازل ابى عن رائيه بعقابى بالرغم ان المعروف عن ابى انه لا يتراجع فى اى قرار مهما حدث

(12)

اختى كانت تعبانة من فترة طويلة وكان المفروض انها تعمل عملية ضرورى علشان ده اريح لها لكن هى كانت خايفة جدا وكانت رافضة تعمل العملية من الخوف ده وبعدين حصل اننا زرنا كنيسة ابونا عبد المسيح المناهرى واخدنا بركة حلوة واشترينامن هناك صورته وحطيناها تحت المخده على طول وبعدها مفيش شهر جالها مغص جامد لا يحتمل وهى اللى قررت تعمل العملية والحمد لله دلوقتى بقت كويسة جدا . بركة صلواته مع الجميع
(13)
اول مرة ازور الفديس كنت مزعلة منى بعتاب واستهزاء لكن كنت نفسى ازورو عتبتة علشان الامتحنات وبعدها بفترة حولى 6سنوات رحت المنيا وذهبت للكنيسة ودخلت على الجسد كانى عارف المكان وانا اول مرة اروح ولمست الجسد واحساس ماااااااااااااينوصف بجد جسمى كلو ارتعش رعشة غريبةخوف وحب فى وقت واحد وقلت لهو يخرب بتك وبدت فى دموع كتير واسف واعتزارشديد من محبتة هديت بعد فترة طويلة(قلب حنين)مسامح(ر++م++)

(14)

كان بابا تعبان اوى فى شغله فى وقت معين كان المدير بتاعه مضايقه خالص المهم وقتها دخلت طلبت من ربنا ببركه الناهرى انه يكون مع بابا صدقونى بعدها بكذا يوم الراجل ده يتعب ويسيب بابا خالص وبابا يتنقل للمكان اللى كان عاوزه نشكر ربنا المناهرى ليه حاجات حلوه اوى مع عيلتنا بركتهم معانا امين

[بنت معلم الاجيال]

شكرا ياقمرعلي المعجزة ربنا يبارك خدمتك الجميلة

[Marina Greiss]

ميرسى يامرمر على مشاركتك