|
 |
 |
 |
|
رقم المشاركة : ( 1 )
15 - 09 - 2023, 10:35 PM
|
|||||||||||
|
|||||||||||
 كل ما الباب يتفتح يفتكر ان دوره جه ويطلع في الاخر لسه بدري ( عارفين الاحساس ده انك تبقي قاعد في مكان مستني ينادوا علي اسمك والوقت يطول والباب مقفول قصادك والساعات عماله تعدي وانت مش عارف امتي يجي يعدي عليك واحد يقولك (تشرب شاي،، قهوه .. حاجه ساقعه) وانت من زهقك مره تقول لا ومره تقول هات قهوه يمكن الوقت يمر لكن مع القهوه الوقت بقي مُر ومش بيمر وفجاءه الباب يتفتح تفتكر هاينادوا عليك وتخلص من الانتظار المُمل والمُرهق وتكتشف انه لا ده حد خارج او حد داخل الموضوع بره احتياجك خالص وتفضل طول الوقت تقوم وتقف وتتمشي يمكن الوقت يمر تروح عند الباب اللي انت مستنيه يفتح وينادوا عليك وتفتكر ان مرواحك عند الباب هايخلي الامر اسرع تسال كل واحد واقف هو امتي؟ هاخش امتي؟ هو فاضل كتير ؟ والاجابات كلها تبقي (معرفش ،، لسه بدري.. اقعد يا استاذ لما ينادوا عليك.. انت منورنا تشرب حاجه ) كل الاجابات مش مُريحه بس انت بتعمل اللي عليك يمكن تلاقي حد يقولك حاجه تبداء تفكر تنادي علي حد تديله فلوس يمكن يعرف هاتخش امتي وبردو ماينفعش تبداء تتعرف علي اللي حواليك وكل واحد بقصته ( اللي تعبان.. اللي مهموم.. اللي مستني،، اللي عمال يفتي علي الناس بأي كلام) وانت طول الوقت عينك علي الباب امتي يفتح امتي ينادوا عليا وفجاءه كل اللي عنده كلام يسلي بيه نفسه بيلاقي الكلام خلص والقهوه شربت منها كتير والشاي كتير مابقاش في جديد تعمله غير انك تسند ضهرك وتستسلم لفكره الانتظار المُمل وفجاءه يتفتح الباب وينادوا اسمك وتخلص حاجتك وتمشي وتنسي الوقت اللي كان متعب وتقول بس كلمه (اخيرا وقت وعدي) فكره الانتظار فكره مش سهله واي كلام فيها لازم يكون بحرص شديد لان الشخص اللي قاعد طول الوقت مستني حاجه تفرحه او تريحه او تطيب خاطره او حتي تحاسسه بأي حاجه ده مش انتظار سهل بس عاوز اقولك انتظارك له نهايه هايجي الوقت اللي ينادوا في اسمك ويتقالك ( خلاص خلصت ارتاح من تعبك وهمك كل هم راح واتشال) انتظارك له ثمر. الكتاب بيقول (يثمرون بالصبر) محدش هاينفعك في انتظارك لا انك تسأل الناس ، ،ولا انك تدفع فلوس تخلص قصتك.. ولا انك تتعرف علي ناس وترغي معاه .. كل ده مش هايعجل من الامر كل شئ تحت السماء وقت انتظر الرب 
|
 |
|
| قد تكون مهتم بالمواضيع التالية ايضاً |
| الموضوع |
| في انتظارك كعادتي |
| فى انتظارك ربى |
| في انتظارك |
| طال انتظارك..... |
| انتظارك محل اهتمامنا |
العرض العادي
