متتعبش من تجربتك

[walaa farouk]

اه متتعبش من تجربتك ، كل واحد لى فى حياته تجربة او تجارب مر بها وسابت فى حياته اثر ايا كان هذا الاثر اللى سابته وايا كانت التجربة اللى مريت بها افتكر حاجة واحدة انى اللى سمحلك بالتجربة ديه داق قبلك معنى التجربة ومرارتها بكل قسوتها ، من خيانة لظلم لبيع لرفض لوجع لمرارة فى النفس وقف لوحد فى اشد واصعب وقت مر به الكل خاف وهرب وسابه لوحده يعنى حس بالوجع قبل ما تحس انت به ، تخيل بقى انى المسيح نفسه د عاش تعب كل التجارب ديه قبل ما انت تعيشها علشان يديلك تعزية وقوة زى ما سمح لايوب فى تجاربه انه يكون قدوة فى الصبر لاجيال واجيال من بعده " أذن الرب أن تعرض له هذه التجربة لتكون لمن بعده قدوة صبره، كأيوب الصديق" (سفر طوبيا 2: 12) هو كمان بنفسه داقها علشان يقولك انا حاسس باللى انت فيه تعبان علشان اتخنت منا اتخنت وتنكرت قبلك من اقرب ما ليا من تلميذى ، اتبعت منا اتبعت قبلك من اللى كان بياكل معايا ، حاسس انك لوحدك منا كنت لوحدى وانا بمر برحلة الصليب كلها ، حاسس انك مرفوض منا اترفضت قبلك من شعبى اللى جيت علشانهم علشان اشفى امراضهم واقيم اموتهم واغفر خطايهم ، اتقبلت المحبة بالبغض والنكران ، كل حاجة انت مريت بيها هو مر بيها وحاسس بيك وهيعينك عليها " لأنه في ما هو قد تألم مجربا يقدر أن يعين المجربين " (عب 2: 18) متزعلش ومتتذمرش على تجاربك لانها كلها بسماح من الله كلها تجارب بشرية وان كان ربنا مش شايفك قد التجربة مكنش سمح بيها وكل تجربة بتمر عليك ليها منفذها وليها فايدتها اللى هتعرفها مع الوقت " الله أمين الذى لم يدعكم تجربون فوق ما لا تستطيعون، بل سيجعل مع التجربة أيضا" المنفذ ،لتستطيعوا أن تحتملوا "
( كور 1 (13:10) فى تجارب هتقويك وتجارب هتخشوشنك فى الحياة وتخلي صلب وتجارب تعلمك تعرف تتعامل كل تجربة وليها فايدتها ودرسها ، اعرف انى كل تجربة وليها اكليلها اللى هتاخده على احتمالك ليها ربنا مبيضيعش اجر اللى بيجاهد واللى بيحتمل واللى بيشكر وعلى قد احتمالك هيكون تتوجيك فمتتضايقش من تجاربك اللى داق الظلم هينصرك واللى مر بتجاربك هيعينك ماهو اصله اله المجربين فافرح بقى ده خلاك شبه وسمحلك تعيش من اللى عاشه علشان فى الاخر يفرحك ويعزيك " بمقدار الحزن والضيقة تكون التعزية،لأن الله لا يعطي موهبة كبيرة إلا بتجربة كبيرة " (القديس مارإسحق السرياني)
ماهو دايما هتلاقيه معاك حتى لو انت مش معاه ومش بتفتكره الا وانت تعبان روح واتحانق معاه هو بيحب الخناق الوحيد اللى مبيزعلش قلبه كبير وبيحبك خناقك وبيستحملك هترتاح وانت بتكلمه ماهو مش هيسيبك الا لما يريحك ماهو اله التعابى " تعالوا إلي يا جميع المتعبين والثقيلي الأحمال وأنا أريحكم " (مت 11: 28)

[Mary Naeem]

" تعالوا إلي يا جميع المتعبين والثقيلي الأحمال وأنا أريحكم " (مت 11: 28)
\آمين يا رب

[walaa farouk]

ميرسى على مرورك الغالى