|
 |
 |
 |
|
رقم المشاركة : ( 1 )
05 - 07 - 2020, 01:39 PM
|
|||||||||||
|
|||||||||||
 حد كان عمره يتخيل ولو لحظة ... انى علشان اروح احضر قداس واتناول انى احجز قبلها وأملأ استمارة ويتحددلى ميعاد قداس باليوم والساعة !! انا حاسس ان ربنا دلوقت بيرد على تصرفات كتيييير اوى زمان كنا بنعملها 😌 ... والكنيسة كانت بتحاول تعلم و ترد عليها ! بس ماكانتش بتوصل لحل ! حاسس ان التدبير الالهى دلوقتى(زى مابيتقال كده بالعامية) رمى الكورة فى ملعبنا 👌 تعالوا افكركوا كده... بشوية حاجات ... !! فاكرين لما كنا بنستنى يوم الجمعة علشان مانصحاش بدرى ونصحى براحتنا ( يوم الاجازة بقى ) ومش مهم القداس النهاردة ... ونقول لنفسنا ( ربنا هايسامحنا بقى ) !! فاكرين لما كنا بنقول لنفسنا اجى الكنيسة ازاى واقابل فلان اللى زعلان منه ... واقابل فلانة اللى انا مخاصماها .. ! طب فاكرين لما كنا بنتحجج ومانروحش الكنيسة علشان الخادم الفلانى مابيسألش ... وابونا الفلانى مابيتصلش .. ؟ طب حضرتك فاكر لما كنت تيجى الكنيسة مرة واحدة فى السنة كلها ( يوم حد الخوص - او الجمعة العظيمة ) ... وبعد كدة شكراً !!! ....... وطبعاً مش هافكركوا بقى بمقابلات الاصحاب ف الحوش والكانتين - وصيحات الموضة - والرغى والنميمة فى الكنيسة - والخناقات على الاماكن او ع الكورال او ف الخدمات او .... او ...... او .... وساعتها كانت الكنيسة بدورها بترد وتقول وتعلّم .... لكن جه الوقت اللى ربنا بنفسه يرد فيه على كل التصرفات دى .. ... جه الوقت اللى ربنا يرد فيه على الاستهانة بكنيسته .... .. جه الوقت اللى انت اللى تجرى وتروح وتدور على قداس تصليه😌 ( طب واجازتك ... تتعوض ) (طب وفلان اللى مخاصمه ... هاصالحه ) (طب وابونا اللى مابيتصلش ... ابونا ده عمره ماسابنى ف ازماتى بس انا بنسى ) (طب النهاردة مش حد الخوص .... بس انا اشتقتلها اوى ) ( طب والحوش والكانتين والاصحاب ... كل دول مش مكانهم هنا .. . انا جاى اقابل المسيح بس وامشى ) ( طب والرغى والكلام ....اهو ربنا سمح لنا بكمامة اجبارى على افواهنا يمكن نتعلم ) ( طب والخناقات ع الاماكن .... طب بس ادخل واقعد ف اخر كرسى ) ....... حقيقى ... شكراً ليك يارب 🤲 شكراً يارب على #الكورونا اللى علمتنا كتييير شكراً لكل الاشياء اللى بتحولها للخير من اجل خلاص نفوسنا 
|
 |
|
| قد تكون مهتم بالمواضيع التالية ايضاً |
| الموضوع |
| الحق خزن قداسات |
| ألحق خزن قداسات |
| احضر قداسات باستمرار |
| خزنوا قداسات |
| قداسات باوربوينت |
العرض العادي
