|
 |
 |
 |
|
رقم المشاركة : ( 1 )
06 - 10 - 2016, 11:17 AM
|
|||||||||||
|
|||||||||||
|
ابنك بيزعق ، بيشتم ، بيتجاهلك ، مبيسمعش الكلام ... كل دي صفات لازم تخليك تاخد بالك إن في حاجة لازم تتصلح ...  معناه إنك لازم تكون مسيطر كويس على الموقف و تحط حدود !  و تغيير طريقة الإستجابة والتعامل لا يعني بالضرورة إن ابنك سلوكه هيتعدل ، لأن الموضوع محتاج وقت و متابعة.. عدم الاحترام معظم الوقت في الأطفال بيكون بسبب ضعف قدرة الطفل على حل المشكلات أو نقص المعرفة عن كيفية التعامل باحترام ، خصوصا لما يكون الأهل بعيدين عن أولادهم ، هيعمل ساعتها حاجات غلط قبل ما يتعلم الصح إيه ! وده دور الأهل إنهم يعلموا ابنهم ايه الصح وايه التصرف السديد المحترم !  إزاي بقى نعالج المشكلة : 1- متاخدش الموضوع بشكل شخصي و خليك واضح وصريح ، يعني لو اتكلم معاك بطريقة وحشة خلي ردك واضح "متتكلمش معايا كده عشان أنا بتضايق" وسيبه وامشي ، عرفه إن الطريقة دي غلط خصوصا عليه لأنها مش هتخليك تسمع هو بيقول ايه ، ومتبصش لنقطة انه ممكن مبيحبكش دلوقتي ، الفكرة انك بتعمل الحاجة الصح عشان مصلحته ، الفكرة إنت عاوز تعلمه ايه ؟" ... ومتنساش في الأساس إنت أب/أم ... المنصب ده في الأسرة حساس و عليه مسئوليات كبيرة. 2- خليك مستعد : و حاول تتنبأ بالسلوك اللي هيحصل من ابنك ، لو مش كويس ، ابدأ بين الحدود و التصرفات اللي متنفعش و سيبه وامشي تاني ، ولو زودها يبقى لازم تفكره وتفكر نفسك إنك أبوه/أمه ولازم يلتزم بالحدود اللي انت حطيتها ، ومتحولش تخليه يجرك في دايرة "مين المسيطر" !! 3 ـ قولنا اننا لازم نتجنب صراع "من المسيطر" ، يعني ايه بقى ؟!! انت أب/أم ، يعني الغرض من كل ده إنك تقوم سلوك ابنك ، و تخليه يغير ده للأحسن عشان يكون إنسان قويم على خلق ، ده الهدف : مش الهدف انك توريه ان كلمتك هي اللي هتمشي و انه مينفعش يكلمك بالطريقة دي لمجرد إنك والده/والدته ... لأ ، لازم يعرف ان الخطأ خطأ في حد ذاته مهما اختلف الشخص اللي بيتعامل معاه ، عشان كده اوعى تخلي خناقة أو طريقة ابنك أو بنتك في الكلام يخلوك "تستعرض عضلاتك" إنك هنا اللي كلامك بيمشي ولازم الكل يحترمك ، لازم تتعامل بمبدأ إنك هتعدل سلوك إبنك لأن منصبك في البيت عليه امانة تحتم ذلك . 4- خليك صارم في قرارك : قررت إنك مش هتكلم ابنك الا لما يغير سلوكه يبقى تنفذ على طول و متخليهوش يحس انك ممكن ترجع في كلامك ، أه ممكن يكون الموضوع صعب في الأول ، بس متنساش اللي بتعمله ده إسمه "تربية" و التربية مش حاجة سهلة . 5- خليك معلم ، مدرب ، و محدد : تعلمه إزاي يتصرف ، تدربه وتشجعه لما يتصرف صح ، وترسم حدود في حالة الخطأ ... الـ 3 شخصيات دول هما مفتاح الأب/الأم الفعال/الفعالة ... بيهم تقدر فعلا تخرج شخصية قويمة متزنة تحترم الأخرين وتكتسب احترام الأخرين. ـــــــــــــــــــــــــ و متنساش ان الهدف هو طفل عنده قدرة على الأداء الجيد في المجتمع ، شخصية تتحمل المسئولية بعد البلوغ ، ده دورنا ، ودورنا اننا نربي فيهم احترام الآخر وقت الطفولة عشان لو كبر بدون السلوك ده هيكون صعب يكتسبه ... التغيير صعب لكنه ممكن . 
|
|
06 - 10 - 2016, 11:18 AM
|
رقم المشاركة : ( 2 ) | |||
|
x Banned x
|
رد: ازاى اتعامل مع عدم احترام ابنى لى
مشاركة جميلة
|
|||
|
|
|
06 - 10 - 2016, 11:27 AM
|
رقم المشاركة : ( 3 ) | ||||
|
† Admin Woman †
|
رد: ازاى اتعامل مع عدم احترام ابنى لى
مشاركة جميلة جدا ربنا يبارك حياتك |
||||
|
|
|
06 - 10 - 2016, 03:16 PM
|
رقم المشاركة : ( 4 ) | ||||
|
..::| الاشراف العام |::..
|
رد: ازاى اتعامل مع عدم احترام ابنى لى
ميرسى لمروركم الغالى  |
||||
|
|
|
07 - 10 - 2016, 11:05 AM
|
رقم المشاركة : ( 5 ) | ||||
|
..::| الإدارة العامة |::..
|
رد: ازاى اتعامل مع عدم احترام ابنى لى
ميرسي على مشاركتك الجميلة
|
||||
|
|
|
07 - 10 - 2016, 02:34 PM
|
رقم المشاركة : ( 7 ) | ||||
|
..::| الاشراف العام |::..
|
رد: ازاى اتعامل مع عدم احترام ابنى لى
ميرسى لمروركم الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ازاي ممكن اتعامل مع حماتي |
| اتعامل ازاي مع شخص مكتئب |
| ازاى اذاكر مع ابنى بطريقه صحيحه |
| ازاي اتعامل مع الفشل فى خطوات محدده |
| ازاي اتعامل مع لحظات اليأس ؟؟ ( صغروها متكبروهاش) |
العرض العادي
