الرب يشعر بك الرب بجوارك دائما

[walaa farouk]

قَدْ كَلَّمْتُكُمْ بِهذَا لِيَكُونَ لَكُمْ فِيَّ سَلاَمٌ. فِي الْعَالَمِ سَيَكُونُ لَكُمْ ضِيقٌ، وَلكِنْ ثِقُوا: أَنَا قَدْ غَلَبْتُ الْعَالَمَ".

(يو33:16)

سعات كتيره بتحصل معنا مواقف وبنقول هو ليه الرب مش منعها انها تحصل مش هو في ايده كل شيء لكن نفسي يوصل لينا اللي في وعده لما بيقول للتلاميذ انا قلت ليكم ان في العالم هايكون فيه ضيق ووجع والالام ودموع وحزن واضطهاد وضعف وقلق ومخاوف لكن! ثقوا ان كل ده انا غلبته انا انتصرت عليه وكمان ثقوا ان انا معاكم وانتو بتشوفوا كل ده

يعني لما تتألم وتفضل وقت متألم ثق ان الرب بجوارك حاسس بيك حتي لو الالآم دي ماترفعتش من عليك ثق ان الله له قصد وافكاره وطرقه مختلفه عن فكرك لما بيحصل اي امر ضيق او وجع او مرض علطول بيكون في فكرنا ان الرب تركنا بعد عنا خلاص مابقاش بيحبنا لكن طرق الرب ان بيكبر ويقوي فينا من خلال ده وهو كمان كان وعده لينا ان كل يوم واحنا ماشين معاه هاتقابلنا صعوبات مواجهات الالام امور كتيره صعبه لكن وعده لينا انه دوما جنبينا وكمان هو عايزنا واحنا وسط كل ده نكون بنطلبه

"اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ"

(مت7:7)

فَتَدْعُونَنِي وَتَذْهَبُونَ وَتُصَلُّونَ إِلَيَّ فَأَسْمَعُ لَكُمْ.

وَتَطْلُبُونَنِي فَتَجِدُونَنِي إِذْ تَطْلُبُونَنِي بِكُلِّ قَلْبِكُمْ.

(ار13:29)

نصلي ونصدق انه بجوارنا رغم كل امور صعبه حولينا حتي لو ماترفعتش من علينا بس يكون سر عزاءنا وفرحنا انه معنا بيرفعنا وبيقوينا اننا نكمل لاتجعل ابليس يضع افكار في داخلك تشوه صوره يسوع بداخلك انه تركك او هو لايهتم لامرك بل هو بجوارك وكلامه يدل علي ذلك فااسعي وراء الكلمه وليس وراء ماتشعر بيه او الافكار التي تراودك>........
—

[Ramez5]

ميرسى على الموضوع
ربنا يبارك خدمتك

[Rena Jesus]

موضوع رائع
ميرسى ربنا يبارك تعب محبتك

[Mary Naeem]

شكرا يا قمر

انتظرى يا نفسى يسوع قريب