اصعب حاجه لما تبقي مضطر تقول وجعك وتعبك مش علشان حد يقف جنبك ويساعدك لكن علشان تسكت كلام الناس اللي فاكرينك عايش مبسوط وعايش مافيكش حاجه..اصعب حاجه انك تبقي مضطر تقول اللي فيك علشان ترحم نفسك من عيون الناس اللي مستكتره عليك انك ترتاح..والاصعب انك تبداء تقول اللي تعبك وتلاقي في عيونهم كلمه (ماهو زي الفل اهو تلاقيه بيقول كلام وخلاص ماحنا شايفينه اهو بيضحك وبيتكلم مع ده وده).تحس وقتها بالندم انك قولت تعبك لان الناس قولت او ماقولتش هما لسانهم وعيونهم هاتجرحك هاتجرحك..كفايا نظرتنا للناس تبقي من بره شوفوا الناس من جوه ولو مش عارف تشوفهم من جوه اسكت افضل لا تجرح بلسانك ولا عيونك..انت مش عارف عيشه الناس الحقيقيه..بلاش تغرك الصور والابتسامات والاصوات ده كل واحد فينا شايل وجع وهم وبيقول يارب ساعدني..نفسي يبقي عند بعض الناس مشاعر المسيح احشاء المسيح عيون المسيح اللي مايهماش المنظر اللي بره ..احنا بقينا مجرد ناس تكوين جسمها عيون ولسان لكن القلب اتحجر وقسي علي بعضنا وعلي ربنا..لا بقينا بنرحم بعض ولا بنشعر ببعض ولا بنحس ببعض..ارجوكوا اتعلموا ان مش كل اللي شايفه يبقي صح ياما اوجاع وامراض ودموع مدفونه وسط ضحك وخدمه ومناقشات..صلي وقوله يارب اديني احشائك علشان اشوف الناس بعنيك
