الله بيشوف الكواليس

[walaa farouk]

• الملك داود كل اللي اتقال عنه في المدينة وقتها انه زني وقتل وظلم ..
لكن محدش شاف دموعه اللي بيغرق بيها فراشه كل يوم .



• الوزير يوسف كل اللي اتشاف من اخواته وقت ما راحو له هو جبروته وقسوته .
. لكن محدش شاف وهو بيبكي لاجلهم بحرقة جوة في مخدعه .




• الامراة التي اعطت الفلسين كل اللي شافوها قالوا انها اقل واحدة اعطت في الهيكل .
. لكن المسيح بس اللي عارف ان مش عندها غيرهم وانها اكتر واحدة اعطت .



• نازفة الدم في عين الناس نجسة .. وبتنجس الهيكل وبتعمل حاجة مش من حقها .
. لكن محدش شاف الاحتياج الرهيب اللي جواها للمخلص وايمانها الاكبر من اي حد .


• الابن الضال اخوه وكل المدينة شافوه انه معربد وشرير .
. لكن ابوه عارف قلبه وشايفه نقي بس كل الموضوع انه عنده جروح ومتاعب احتياجات سددها بشكل خطأ .

••• الناس بتشوف المشاهد من برة بس .. لكن الله مكتوب عنه انه بيشوف الكواليس
(يري في الخفاء) ومش بيكافئ بناءا علي المشهد قد ما بيكافئ علي اللي في كواليس المشهد .
لا تخشي اذا رايت الناس ليس علي دراية بما يدور بداخلك وتحكم فقط بالظاهر .
. فهو يري الان خفايا قلبك جيدا .. وعلي ادراك بكل تفصيلة جيدا .
. وسيكافئك علي كل ذبيحة ومنطقة مذبوحة قدمتها في الخفاء .