|
 |
 |
 |
|
رقم المشاركة : ( 1 )
13 - 04 - 2020, 07:42 AM
|
|||||||||||
|
|||||||||||
 حقيقي يا سيد ... بيتك بيت الصلاة يُدعى و إحنا جعلناه مغارة لصوص !! انا بنفسي خليته مغارة لصوص لما رضيت أسعى و اتنازع جواه على مسئولية و افتكرتها سُلطة.. و لما ركزت اني أظهر بشكل الشخص المُصلّي التقي . . مع إني في مخدعي ماهتمتش بإني اتوجد في محضرك بأمانة .. خليته مغارة لصوص يوم ما استغليت علاقاتي جواه لمصلحتي و لإشباع رغباتي بعدم أمانة !! خليته مغارة لصوص بكل مرة سرقت المجد منك عشان انسبه لنفسي قدام أي حد كبير أو صغير ! أهنت قداسة بيتك .. بيت الصلاة , لما اهتميت بترتيبات و تنظيمات و طقوس و إدارة و تحضير و مواجهات و آراء و نقد و إدانة .. و بقي بالنسبالي مكان زي أي مكان باروحه أتعامل فيه بأمراضي الداخلية و أطفي بيها عمل روحك . . بدال ما اجيلك راكع بمرضي و اقبل منك شفاء في علاقة حقيقية بيك .. سامحني يا الهي لأني مش أقل إجرام من الي انت قلتلهم زمان : " بيتي بيت الصلاة يدعي و أنتم جعلتموه مغارة لصوص " خلي يا ربي دخولي من بابك بعد كده يكون بقلب مش عاوز غيرك .. يكون بعيون مش بارفعها من التراب .. عيون ماتجرؤش تتحدي أو تحتقر أو تدين جوه بيتك أو براه .. يكون بنِيَّة محكومة بأمانتك .. و علاقات مُقدسة تقدر تستخدمها للبنيان و النمو و الخلاص .. و يكون الي مننا في مكان مسئولية .. قاعد زيك تحت الأقدام بيغسل جروح الأرجل .. يكون متربي علي إيدك و مُنقاد بروحك .. 
|
|
13 - 04 - 2020, 09:05 AM
|
رقم المشاركة : ( 2 ) | ||||
|
† Admin Woman †
|
رد: بيتك بيت الصلاة يُدعى و إحنا جعلناه مغارة لصوص
مشاركة جميلة جدا ربنا يبارك حياتك |
||||
|
|
|
16 - 04 - 2020, 12:44 AM
|
رقم المشاركة : ( 3 ) | ||||
|
..::| الإدارة العامة |::..
|
رد: بيتك بيت الصلاة يُدعى و إحنا جعلناه مغارة لصوص
ميرسى على مرورك الغالى  |
||||
|
|
 |
|
العرض العادي
