نصائح مفيدة لمطبخك

[توتا كمال]

نصائح مطبخية ليكى يا حلوة انتى وهى 😉
1-علشان تخلى اللحمة تستوى بسرعة حطى ملعقة كبيرة خل وسيببها تغلى على نار عالية لمدة ربع ساعة وبعدين هدى النار بكدا هتستوى بسرعة وهتبقى ذى الزبدة 😄
2-علشان احنا فى جو الشتا والمعجنات بتاخد وقت لغاية لما تخمر شغلى الفرن خمس دقائق بس وبعدين اطفيها وبعدين حطى جواها اى معجنات انتى بتعمليها مش هتاخد وقت خالص وهتخمر معاكى بسرعة جدا 😊
3-علشان تحصلى على معجنات طرية وهشة ضيفى كوباية زبادى المعجنات بتاعتك وكمان اعملى بديل محسن الخبز وهو عبارة عن ملعقة كبيرة دقيق وملعقة كبيرة بيكنح بودر وملعقة كبيرة سكر وملعقتين كبار خل هيعملوا فوران ننزل بيه على الدقيق ونكمل عجن والله لما تجربى الطريقة دى المعجنات بتاعتك هتفرق 360 درجة ومتنسيش تدعيلى ☝
4-لو عايزة البانيه بتاعك يبقى طرى وجميل من جوا ومقرمش من برا ضيفى في التتبيلة زبادى او لبن رايب وضيفى مع الدقيق ملعقتين كبار نشا واتفرجى على الطبقة المقرمشة الكرسبى
5-عصرة الليمون على عصير الجوافة مهمة جدا علشان تحافظ عليه ميسودش 😇
6-علشان عصير المانجة يبقى ذى المحلات ضيفى عليه بطاطا مسلوقة واتفرجى على القوام ودوقى احلى طعم وبرضوا متنسيش تدعيلى
7-لما تيجى تقلى بلح الشام يتقلى فى زيت بارد أما الزلابية تتقلى فى زيت سخن 😍
8-لو بتعملى كوارع ومش عايزها تأخذ وقت طويل في السوى ضيفى للميه شوية خل وسبيبها تغلى نص ساعة وبعدين اخلصى من الميه ديه وضيفى ميه نضيفة وحطى فيها بصلة وطماطم وجزرة وشوية خل علشان يسرع السوى وتكون على نار عالية الأول لمدة ساعة وبعدين هدى النار خالص مش هتاخد وقت وتستوى وتبقى ذى الفل 😉
9-لما تعصجى لحمة او فراخ ضيفلها جزرة مبشورة وكوسة مبشورة هتفرق جدا في الطعم........