ماحدش خد باله ان لوط مانساش اصله .. اول ما شاف الملاكين راح و اتحايل عليهم و اصر انهم يقعدوا في بيته وبعدين يكملوا طريقهم .. مانسيش اصله اللي كان واخد كتير من ابراهيم عمه .. مع انه بعد عنه و افترق بس صفاته هي هي . .
هتبعد عن ربنا جايز ، مش هتسمع دايما كلامه اه .. هتكون عارف طريقه بس بتمشي في الطريق التاني ، هتحب كلام الناس و تشجيعهم و تزعل من انتقاداتهم ومايهمكش كلامه ليك ووعوده .. بس مع اول فرصة هتلاقي نفسك مش ملاحق تعمل ايه .. تقرا كتابه ف تحب تقرا اكتر و اكتر .. حد عرفت انه زعلان تجري عليه. . تربط كوتشي طفل صغير .. تكلم حد عن نور هو لسة ماشافوش بنفسه .. وتسمع لحد محتاج يفضفض وغيرهم ياما كتير ..تركيبتك كدة للدنيا..جاي عشان تخدم سواء خدت بالك او لأ سواء جريت ع الخدمة او فضلت خطواتك بطيئة. . تكوينك جاي علي صفات الله هي هي .. جه يخدم مش يتخدم .. يخدم بكلمة بلمسة بحماية من عين الناس بحضن .. وانت كمان مطلوب منك تفعل صفاته فيك في كل دوول ومش هتستكفي فرحة
09 - 07 - 2017, 04:26 PM
العرض الشجري