معجزة حديثة للبابا كيرلس السادس

[بنت معلم الاجيال]

احبة المعجزة :بنت البابا كيرلس (شيرى شكرى ثالثة طب طنطا).
أشكر الرب يسوع وشفيعي البابا كيرلس لتدخله السريع معى.

تبدأ القصة يوم الأربعاء الموافق 18-3-2009
كنت عائدة من شارع الحلو بطنطا الى شارع النادى وكان معى كتاب مادة طويلة جدا وصعبة بتاع سنة ثالثة طب ( Systemic Pathology )
وكشكول كبير مجمعة فيه الملاحظات والمقارنات بتاعة المادة.

وكنت عائدة فى تاكسى وكنت قلقة جدا (لأن بابا كان عند الدكتور وظننت إن سيارتى معطلة(، المهم إنى نسيت الكتاب والكشكول فى التاكسى.
ولم يكن اسمى مكتوب ولم يكن هناك أى شئ يدل على شخصيتى .!!
ولم أكتشف ذلك إلا مساء يوم الجمعة 20-3-2009 بعد أن بحثت جيدا عليه ولم أجده ،

تضايقت جدا بسبب فقدانى للكتاب والكشكول ولم أستطع المذاكرة.
صورت جزء من الكتاب من صديقة لى ولكن اين كتابى؟ فلم أستطع المذاكرة. شعرت إن المادة ضاعت منى و انى لن أستطيع أن أبدأ من جديد .
فحزنت والدتى جدا وطلبنا شفاعة القديسين، ونزلت والدتى سألت المحلات المحيطة إذا كان هناك تاكسى قد ترك كتاب وكشكول عند أحدهم. فردوا عليها جميعا بالنفى.

ذهبت والدتى يوم السبت الساعة 9 صباحا الى محطة الغاز حيث أن كثير من تاكسيات طنطا تمول غاز وطلبت منهم أن يسألوا جميع التاكسيات التى تمر عليهم فسألوها إذا كانت متأكدة إن هذا التاكسى يمول غاز فردت بالإيجاب حتى تحثهم على البحث ولكن الحقيقة إنها لا تعلم. فسألوها عن نوع التاكسى ولكننا لا نعلم . فكان ردهم إنه هناك أكثر من نصف مليون تاكسى فى طنطا وسيصعب الوصول إلى التاكسى.


ونصحوها أن اصور الكتاب. فذهبت أمى حزينة إلى الصيدلية (صيدلية ماما) فى شارع الجلاء أى فى أحد أطراف طنطا، بينما المنزل فى شارع النادى فى الطرف الاخر من طنطا ويبعد كل منهما عن الاخر 3 كيلومتر. ذهبت أمى الى الصيدلية وسألت بعض التاكسيات وطلبت منهم أن يبحثوا لها عن التاكسى الذى نسيت فية الكتاب وقالت لهم إنها سوف تعطيهم مكافأة مادية. فقالوا لها إن التاكسيات ليس لها موقف إو مكان تجمع وإنهم مش عارفين بعضهم بعض وإنهم كثيرين جدا وإن مش كلهم من طنطا وإنه مستحيل إن الكتاب يرجع.

فيأست أمى وكفت عن البحث وجلست على مكتبها فى الصيدلية
وكان هناك صورة للبابا كيرلس تحت زجاج المكتب. فنظرت إليه ماما وقالت: (هو قداستك قاعد كده والكتاب ضاع متقوم تعمل حاجة، انا مش هصدق إنك رجعت المحفظة لصاحبها اللى كان فيها الشيلن بتاعك ومكنش فيها أى حاجة تدل على صاحبها (معجزة ذكرت فى فيلم البابا كيرلس)
إلا لو رجعت الكتاب والكشكول ). وبعد قليل حوالى الساعة 10.30صباحا
ماما وجدت تاكسى ملىء بالركاب يعنى عمره ما هيقف لو حد أشار إليه وكمان ماما يأست وتوقفت عن السؤال . هذا التاكسى إتحشر بمعنى الكلمة أمام أحد بابى الصيدلية (الصيدلية لها بابان متعامدان) وهذا الباب يطل على حارة طولها لا يزيد عن 15 متر وهذة الحارة مغلقة للبناء. وجميع السيارات تنظر الى الحارة قبل الدخول فيها تجدها مغلقة فلا تمر فيها.
أما هذا التاكسى فدخل وتحشر وكان يحاول أن يرجع للخلف ليخرج من الحارة . وماما تنظر إليه وتسأل نفسها: أقوم أسألة لا دا أنا على ما أقوم وأوصله هيكون رجع ومشى. وبعدين ده مليان ركاب يعنى مش هعرف أوقفة. أروح يمكن ألحقة. وفعلا ماما خرجت من الصيدلية ولفت من الباب الأخر لأن الباب الأول مغلق بزجاج. وبعد كل ده لقيت التاكسى لسه محشور فى نفس المكان لم يستطيع التحرك (مع العلم إنه لم يكن هناك ما يمنع التاكسى من التحرك سوى حبيبى و ابويا البابا كيرلس). فتقدمت أمى وسألت التاكسى عن الكتاب وكانت المفاجأة!
قال لها كتاب وكشكول والبنت ركبت يوم الربعاء ونزلت فى شارع النادى. فتفاجأت أمى وشكرت البابا كيرلس .

كان هو التاكسى الذى ركبتة. ولم يكن التاكسى من طنطا بل من أحدى القرى المجاورة.


نشكرالرب والبابا كيرلس على عنايته وسرعة إستجابتة فقد وصل التاكسى والكتاب مش فى نفس اليوم اللى طلبناه فية لأ بل فى نفس اللحظة لغاية باب الصيدلية ودون أدنى شقاء.

[روشا الفرفوشه]

ميرسى على موضوعك الجميل
ربنا يباركك حببتى

[بنت معلم الاجيال]