تكات وحركات للطبخ

[توتا كمال]

معلومات 💖💖💖💖💖💖💖
و تكات وحركات .....

🌟🌟🌟🌟🌟🌟🌟
1•لما تقطعى الباذنجان قطعيه بالطول علشان ما يشربش زيت معاكى وكمان رشى عليه ملح و دقيق ح ينزل ميته ومش ح يشرب زيت برضوه .
كفايه زيت اتنفخنا وخلاص قربو يدحرجونا زي الكورة الكفر.
😍😍😍😍😍😍😍😍😍😍

2•الجلاش علشان ما يبقاش نئ من جوه ادهن كل واحدة لوحدها ورصيها وادهني وتكون.السمنه سخنه وكلي بقا احلا جلاش مقرمش يا بطه.😍😍😍😍😍😍😍😍😍😍😍😍😍😍😍😍

3•لما تعملى الرز سواء بسمتى او مصرى عادى ...
لو بسمتى الكوب بياخد كوب ونص ميه لو مش منقوع ..انما لو منقوع تحتاج كوب وربع ميه .
اما الرز المصرى الكوب بياخد كوب ميه .
💑💑💑💑💑💑💑💑💑💑💑💑💑💑💑💑💑💑💑💑💑💑💑
4•علشان البصل المحمر بتاع الكشرى والكشك ما يبقاش طرى رشى عليه نشا وحمريه ...النشا مش بيطلع السوائل اللى فى البصل ويفضل ناشف ومتحمر ومقرمش .
اه ياني يا صباعي 💘💘💘💘💘💘💘💘💘❤❤❤❤❤❤❤❤❤
5•وانتى بتعملى الحوواشى او العيش باللحمة حطى حزمة كسبرة خضراء ورشة كباب صينى و رشة جوزة الطيب حتخلى الطعم مميز والريحة تحفة .
المسلسل الهندي هيفوتني بقا 😍😍😍😍😍😍😍😍😍😍😍😍😍😍
6-لما تيجى تعملى اى حاجة فيها كاكاو او شوكولاته حطى ملعقة صغيرة قهوة ح تعطى طعم مميز جدااااا.
💖💖💖💖💖💖💖💖💖💖💖
7•تكة تحفة فى الطبخ حاجة اسمها تحديقة ...
عبارة عن ثوم وقرن فلفل حامى او رومى وملح وفلفل اسود
وتدقيهم كويس وتحطيها فى اى طبخة بتعطى طعم تحفة.
👈👈👈👈👈👈👈👈👈👈👈👈ياعيني ياعيني ياعيني بقا
8•علشان صلصة المكرونة تكون معكى حلوة وتخينة فى قوامها وانتى بتسلقى المكرونة تاخدى حبة من ماء السلق وتحطيها على الصلصة بتعطى قوام تخين للصلصة وطعم مميز .
🙌🙌🙌🙌🙌🙌🙌🙌🙌🙌🙌
9•علشان الملوخية تكون بعرق معكى ومتسقطش قطفيها بعروقها وكمان اغسيلها وتنشفيها وتخرطيها على طوال وده بقا فى الملوخيه الشتوى بس لانها مش بطعم ولا قوام الملوخية الصيفى .

علشان تقشري التوم سهل انقعيه في المياه....

[souad jaalouk]

سلمت يداك ودام إبداعك المتواصل أختي الغالية

[Mary Naeem]

نصائح حلوة يا قمر
ربنا يباركك