أعتقد نضوج الإنسان الحقيقي , بيبدأ بلحظة إدراكه إن كله في النهاية بيساوي بعضه ..
سواء القرارات اللي كان عاوز ياخدها و مخدهاش او القرارات اللي خدها و تخيل ان كان حيفرق كتير لو متمسكش بيها اوي كدة ..
سواء الناس اللي فضل طول عمره يحرص علي مكانتهم القريبة منه أو الناس اللي تعامل معاهم بمسافة ثابتة من البعد و الجفاء ..
سواء الافكار اللي صارع عشان يبرهن علي صحتها او الافكار اللي اتزعزع قدمها و هو بيختبر قوة معتقداته...
سواء الواقع اللي عاش طول عمره عاوز يغييره أو الحلم اللي فضل سنين محبوس جواه مش قادر يتنازل عنه ! ..
فالنضوج هو لحظة إدراك الإنسان لحقيقة ذاته المضخمة بالفراغ و المهاترات البائسة , فهو كتلة مغيبة من أراء ساذجة محدش مهتم بيها غيره و تجارب فاشلة ملهاش اي مردود علي مسار سيران الكون ..
فالنضوج ببساطة هو نوع عميق من إدراكات الإنسان لمدي تفاهة المعني و فجاعة سطحية القيمة ...
