01 - 04 - 2024, 10:48 PM
|
|
|
|
..::| الإدارة العامة |::..
|
|
|
|
|
|
كنت بمر بوقت صعب ومؤلم
وقت مليان صراع ... صراع مع الألم الجسدي والنفسي ...
صراع أنى مصدق أن الله معايّ بس أنا لسه بتألم ...
صراع أني عندي إيمان في الله
بس أنا من جوايّ حاسس أني بتألم وبتعصر من جوايّ ...
ومش عارف ليه دماغي راحت لشعور الست الحامل
، اللي غالبًا في آخر شهور حملها لما بطنها بتكبر
بتقول أنا حاسة بوجع رهيب حاسة أن عضلاتي بتتحرك
من مكانها " بلغتي أنا بتعصر"
بس اللي مصبر الأم ديه أنها في عز وجعها وألمها
اللي مش بينيمها عارفة أن كل ده علشان شوية
وهيتولد كائن جديد حتة منها فبتستحمل كل تعب..
ونورت جوايّ الفكرة أني طبيعي أتوجع وطبيعي كمان
لو التجربة كلنت قاسية عليّ أصرخ،
بس أنا لحد فين مصدق أن كمان شوية فى إيمان جديد
هيتخلق جوايّ، في روح جديدة هتتولد فيّ..
نورت جوايّ معنى الآية دي:
عَالِمِينَ أَنَّ الضِّيقَ يُنْشِئُ صَبْرًا، وَالصَّبْرُ تَزْكِيَةً،
وَالتَّزْكِيَةُ رَجَاءً، وَالرَّجَاءُ لاَ يُخْزِي (رومية ٥)
|
