اولا بحب اشكر حبيبى يسوع ع محبتو لينا ورحمتو بالرغم من خطايانا واتمجد معايا بشفاعه الشهيد بيشوى سريع الندهه والانبا كاراس وعمل معايا معجزات كتير بشفاعتهم ...
انا اختى كانت تعبانه وحست بالم ف الثدى وخفنا كتير انو يكون كانسر ف سمعت عن شفاعة الشهيد بيشوى وانو سريع الندهه زى مارجرجس ف طلب من ربنا بشفاعته أن لو مكنش عندها حاجه هنشر المعجزه دى وبعدين راحت للدكتوره والحمدلله قالتلها مفيش حاجه دا الم وخد العلاج وأخفى وفعلا ربنا اتمجد بشفاعة هو والانبا كاراس ومطلعش عندها حاجه دى اول معجزه ....
تانى معجزه خطيبى كان تعبان جدا وهو مسافر ف الدكاتره عملو اشعه وتحاليل و قالوله الزايده ولازم تعمل العمليه دلوقتى ف كان صعب انو يعمل عمليه لانهم ميعرفوش حاجه هناك وعشان يحجز وينزل مصر هياخد وقت وهى لازم تتعمل ف وقتها لكن هو اخد مسكنات وموافقش يعملها ف طلبت وقتها من حبيبى يسوع بشفاعة الأنبا كاراس والشهيد بيشوى انو يشفيه ومكنش عنده حاجه وفعلا ربنا اتمجد وبقى كويس بدون اى عمليات ....
تالت معجزه .. كان عندنا مشكله كبيره خالص ف البيت وكانت هتحصل حاجات كتيره مش كويسه والبيت كلو حالتو صعبه جدا بسبب المشكله دى واناكنت منهارة جدا وخايفه لكن بشفاعة الأنبا كاراس والشهيد بيشوى وابونا بترنيوس ومارجرجس والعذرا عند حبيبى يسوع ربنا عدا اليوم ع خير لكن بطلب منكم صلاه أن ربنا يكمل و يحلها ع خير ونعيش ف سلام
08 - 10 - 2018, 04:11 PM
العرض العادي
